1 Gawˇliˬtu 15:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngaq nae za-awr nawmaf-anr maeqnaeq-euq yawbae jeq-aq, Yaerbof-euq lafkhoer aertaq-euq lof-aer, Kali, aqdui-euq iqbax-euq gharduq shirdan-awr,

Akha

³ Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,

1 Gawˇliˬtu 15:3 ပူးပေါင်းရင်းမြစ်များ

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Maꞈtehˬ 26:28

Aqjeq mirnae aernar-aq, heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq iqbax pyaeqnaeq nya’ni ngaq-euq shiq bi yoerle ma.

Luˇkaꞈ 24:25

Khoerngae, Yeqsur, aqyawf nyaf-anr heulof-aer aernaeq-euq mae, “Aqdzawq argan deuq-or! Nawmaf-aq, Miqyaer gharduq ngaeqdan-eu tsawrhaq nae aertaq-euq dawqtawv luf-anr jan-eu gharduq, nawmaf-euq nuima zawr-aer myaf-eu nga!

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Gʼaˬkʼehˇ 17:2

Khoernar-aq, aqmyanmyan lof-aer, Pawrluv, zanrdawq khawqnymr-anr urler-euq mae. Landaw jawrnan ngae nan smq jaw byanni Yaerbof-anr ghoeghoe-aer aqyawfmaf naeq-aer jasawx-euq mae.

Gʼaˬkʼehˇ 3:18

Aerkhawf, Kali-aq, shaqzanq yadaq mae laer aqyawf-euq gharduq ngaeqdan-eu tsawrhaq dawqtawv luf-euq khaqmae-anr ghoe-awr, Miqyaer nae dzeurlaf ngae nae aertaq-euq lof-aer byanlar-euq mae.

Gʼaˬkʼehˇ 8:32

Aqyawf guiluf-eu Yaerbof khoertsanr-aq heulof-aer mae: “Aqyawf-aq, saef-eu laer bi tsanrghae-euq yawr-anr dur-eu mae. Cafhm taeq-eu tsawrhaq-euq maeqshi yawrzaq maqmanrni jawr-eu lof-aer, Aqyawf khawf khaqmae maq mrnga lar-aer ciqcurni jawrluf-eu mae.

Lormav 3:25

Miqyaer, Yeqsur Kali-anr lawrbyan-eu jeq lof-aer tserdov taq-euq mae. Jan-eu lafkhoer Yeqsur-euq shiq-anr ghoe-awr, aqyawf-euq tsaq-awr dawr-eu jeq bi dovlar-eu gharduq, Miqyaer ornya-eu nuima nae, dzeurlaf ngae tsawrhaq nae mr-euq iqbax-anr aqyawf hawdzeur-euq mae.

Lormav 4:25

Aqdui mrbanq lavlaeq-euq baqda’nae, Yeqsur, aqcawq-euq aqlaf-euq lafkhoer bi a’naeq-euq mae. Aqdui tsaq-awr dawr-eu tsawrhaq pyeuflarni aqyawf ghofdaef lar-euq mae.

1 Gawˇliˬtu 11:2

Yawqjeq navluf-euq lafkhoer, nawmaf, ngaq-anr noeqkeuv-awr, ngaq nae nawmaf-anr bifyaf-euq lof-aer, zanroer khoerdeuq-anr cantae luf-eu mirnae, ngar, nawmaf-anr jaceuq ma.

1 Gawˇliˬtu 11:23

Ngar, Sanqpaq Yeqsur-anr nae za-euq jeq, ngar, nawmaf-anr bifnaeq-eu ma. Sanqpaq Yeqsur-aq, aqcawq, aqyawf-anr anqdzaq ngae mir, kaqmur yur-awr,

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gaˬlaˬtiˆ 1:12

Aqjeq mirnae aernar-aq, tsawrhaq-anr nae za-euq maqngeur, tsawrhaqzaq nae maeqnaeq laf-euq khawf maqngeur-a. Yeqsur Kali nae ngaq-anr panmaeq naeqlaf-euq mae.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

HeˬByehˇ 5:1

Tsawrhaqzaq-euq lafkhoer nae tserdov taq-euq Pirma yawhuiq yawqghaq navluf, Miqyaer-anr taf-eu gar bimr-eu laer, tsawrhaq-euq danzar khaerdar taq-euq mae. Aqyawf-aq, lafsawq bidamq-awr, iqbax-euq gharduq lawr-eu jeq bi lawrnaeq-eu gharduq mae.

HeˬByehˇ 5:3

Khoermirnae, aqcawq-euq iqbax-euq gharduq lawr-eu jeq ya lawrnaeq-eu lof-aer, yawqha-euq iqbax-euq gharduq khawf yalawr-eu mae.

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.