1 Gawˇliˬtu 15:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq nae nawmaf-anr maeqnaeq-euq guiqlanq dawq-anr yawqngaef-aer jan-eu maqngeur-aer, yawmuiq-aer nyaeftaeqtaq nar-aq, guiqlanqdawq heu-euq baqda’nae nawmaf yabuq-ir taef-a.

Akha

² Ngaˬ neh naw maꞈ-ahˇ mehˬ-euˬ kʼoeˇ-aˬ, Laˬ kʼaˬ cehˇ-eu Guiˬ lahˬ dawˬ meh. Naw maˬ yawꞈ ngehꞈ yawꞈ kuˬ-ehˇ jah-eu maˬ ngeuˇ lawˬ naˇ, Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ baˬ da neh ka kʼoꞈ-eu jeˬ za tehꞈ-a.

1 Gawˇliˬtu 15:2 ပူးပေါင်းရင်းမြစ်များ

Dawqdaq 23:23

Yawtsaq yawdawr jeq zeur-awr taq anqdzae, Zaqsiq tsawrganr, maeqdawq tsovdawq hawr-eu ghovshaw nya-eu jeq khawf zeur-awq.

Dawqdaq 3:1

Ngaq-euq zaqyo-or! Ngaq nae maeqnaeq tsovnaeq-euq zanrdawq-anr maqngaer-aer, Nawq-euq nuima, ngaq-euq khaerdawq jeqhmq taq-awq.

Dawqdaq 4:13

Maeqdawq tsovdawq-anr maq pyaeqdzae-aer, zifdanni nyaeftaeq taq-awq. Aqyawf, nawq-euq daefzir pyeuf-eu mirnae, aqyawf-anr mrcaw-awq.

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Gʼaˬkʼehˇ 8:13

Khoerngae, Sirmoq khoerghaq khawf janlar-awr, bartirsaq hageuf-awr, aqmyanluf Pirlirpuv naeq-aer jawr-eu mae. Pirlirpuv nae mr-euq khavjeq-aer ghae-eu jeq hawr-eu bisiq bimawr-eu jeq-anr aqyawf ya’mawr ngae, zanq duidui ler-euq mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

Lormav 11:22

Khoermirnae, Miqyaer-euq yawmuiq jeq hawr-eu aqyawf yawkhav-aer janrnaeq-eu jeq-anr sharnoeqhaw sher-eq. Aqyawf, coqdzae-euq tsawrhaq-anr yawkhav-aer janrnaeq-awr, nawr aqmyanluf aqyawf-euq yawmuiq jeq-euq lafkhoer jawr nar-aq, aqyawf-euq yawmuiq jeq nawq-euq khoertav jav taef-a. Aerkhawf, nawr maqjawr nar-aq, aqyawf, nawq-anr khawf deuvtsaevdzae naeqlaf taef-a.

1 Gawˇliˬtu 1:18

Aqjeq mirnae aernar-aq, lafyaq-euq garkawv-aq, cawv-ir luf-eu tsawrhaq-euq gharduq-aq, zaqsiq tsawrganr maqanr-eu dawq pyeuf-eu mae. Aerkhawf, kakhof-eu jeq zaluf-eu aqdui-euq gharduq-aq, Miqyaer-euq baoq pyeuf-eu mae.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

1 Gawˇliˬtu 11:2

Yawqjeq navluf-euq lafkhoer, nawmaf, ngaq-anr noeqkeuv-awr, ngaq nae nawmaf-anr bifyaf-euq lof-aer, zanroer khoerdeuq-anr cantae luf-eu mirnae, ngar, nawmaf-anr jaceuq ma.

1 Gawˇliˬtu 15:14

Kali maq ghofdaef lar-euq lawnmr-aq, nga’maf dawqmaeq maeq-eu heu yawqngaef mae. Nawmaf jan-eu khawf yawqngaef mae.

2 Gawˇliˬtu 2:15

Aqjeq mirnae aernar-aq, aqdui maf-aq, buq-ir luf-eu tsawrhaq hawr-eu, cawv-ir luf-eu tsawrhaq-euq ghanrcae, Miqyaer-euq gharduq Kali-euq yawsaw jeq pyeuf-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Gaˬlaˬtiˆ 3:4

Nawmaf shaqzanq-anr khoermyav myav-aer yadaq-euq khoer, yawqngaef-aer daq-euq le lor? Khoerdeuq yawqngaef mae laer ngar maq noeqnya.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

2 Teˇsaˬloˇni 2:15

Khoermirnae, aqyuif aqnyir deuq-or! Nawmaf zifdanni jawr-awq. Nga’maf, nawmaf-anr maeqboeq nae maeqnaeq-euq deuq hawr-eu sanqbof bof-awr maeqnaeq-euq deuq-anr khawf, kharmaeq khartsov naeq-euq jeq-anr zifdanni nyaeftaeq taq-awq.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

HeˬByehˇ 2:1

Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

HeˬByehˇ 3:6

Aerkhawf, Kali-aq, Miqyaer-euq nymrkhanq-anr hawlanr-eu Zaqyo mae. Aqdui khawf arsaqsaq ngae keuvni, nuima khaqduqni ghae-eu jeq hawr-eu, nuima huiqkhar za-eu noeqtmq-eu jeq-anr zifdanni tuvtaeqtaq nar-aq, aqdui, aqyawf-euq nymrkhanq-euq lafkhoer yajawr mae.

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

Yaˬkoˆ 2:14

Ngaq-euq aqyuif aqnyir deuq-or! Ngar jan ma laer tsawrhaq tiqghaqnav aer-eu khawf, maqmr maqshar nar-aq, aqjeq gardanr tsoeq-eu la? Jan-eu khoerjeq aqyawf-anr kakhofnya taef-a lor?

Yaˬkoˆ 2:17

Khoerlof-aer durni, jan-eu jeq-aq, maqmr maqshar nar-aq yawshir mae.

Yaˬkoˆ 2:26

Mawrdo-aq, saflar maqanr nar-aq yawshir mae. Nuijan khawf maqmr maqshar nar-aq yawshir mae.