1 Gawˇliˬtu 15:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernav maqtser, aqyuif aqnyir deuq-or! Ngar, nawmaf-anr maeqnaeq-euq guiqlanqdawq heu, nawmaf-anr par dzawrnaeq-eu ma. Nawmaf guiqlanqdawq heu-anr hageuf ghaq-awr, heu-euq lafkhoer yawfluf-eu mae.

Akha

¹ Aˬ yuiꞈ aˬ nyiˇ Ka li zaˬ deuˬ-oˇ, nymˬ-mˇ poˆ jawˇ-aˬ, ngaˬ neh naw maꞈ-ahˇ mehˬ nehˬ yaꞈ-euˬ Laˬ kʼaˬ cehˇ-eu Guiˬ lahˬ dawˬ paˇ ja noeˬ nehˬ-eu ma. Ngaˬ neh mehˬ-euˬ kʼoeˇ naw maꞈ ha geuꞈ gʼaˬ-awˇ, kʼoeˇ-euˬ kʼoeˇ taˆ naw maꞈ-euˬ jah-eu jeˬ ziꞈ luꞈ meh.

1 Gawˇliˬtu 15:1 ပူးပေါင်းရင်းမြစ်များ

Yoˇhaˬ 12:48

Ngaq-anr byaerdzae-awr, ngaq-euq dawq-anr maq hageuf-eu tsawrhaq-anr yarkhaq dar-eu jeq jav-eu mae. Ngaq nae ngaeq-euq dawqdeuq-aq, arsaqsaq ngae nan aqyawf-anr yarkhaqdar taef-a.

Gʼaˬkʼehˇ 11:1

Ghaqkhaer deuq hawr-eu Yurdav mirkhanq-anr jawr-eu aqyuif aqnyir deuq, aqcawq tsawrjeuq tsawrca khawf, Miqyaer-euq dawq hageuf-euq mae laer yagaq-euq mae.

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Lormav 11:20

Tsaq mae. Aqyawfmaf maqjan-eu mirnae bi deuvdzae-euq mae. Nawr jan-eu mirnae zifluf-eu mae. Aerkhawf, nawr nuima taqhuiq, guv-eu lafkhoer jawr-awq.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

1 Gawˇliˬtu 16:13

Nawmaf yawbeur beur-aer jawr-awr, jan-eu lafkhoer zifdanni yawf-awq. Nuima khaqduqni ghae-awr, ghaq khavlar-awq.

1 Gawˇliˬtu 3:6

Ngar-aq, ka-eu ghaq pyeuf-awr, Aqpawrluv-aq, ircuf shaeq-eu ghaq pyeuf-eu mae. Aerkhawf, bihuiq bi maerlar-eu ghaq-aq Miqyaer mae.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

2 Gawˇliˬtu 1:24

Nga’maf, nawmaf jan-eu jeq-anr dzoeq-eu laer maqngeur. Nawmaf jan-eu lafkhoer yawfluf-eu mae. Nga’maf-aq, nawmaf laqkhaq caerni nawmaf-euq gar mrcawq pyeuf-eu ma.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

2 Teˇsaˬloˇni 3:6

Aqyuif aqnyir deuq-or! Aqdui-euq Sanqpaq Yeqsur Kali-euq tsawrmyanr-euq uqmov nga’maf, nawmaf-anr dawq heulof-aer bif-eu ma. Nga’maf nae nawmaf-anr maeqnaeq-euq maeqnan maq cantae-eu aqyuif aqnyir yawdoer yawqghaq navluf-anr ghawqtsaev tsaev-awq.

1 Beˬtuˆluˆ 5:12

Ngar, maernmr laer sawxtaq-euq, sarjax zif-eu aqdui-euq maernmr Siqlaqnmr-anr ghoe-awr, nawmaf-aq, aqdir aqmar Miqyaer-euq guiqlanq yawdzanr-euq lafkhoer yawfluf-eu mae laer sarkir kamq-awr, ghaq bif-eu gharduq, sanqbof yawnymr nymr-aer bofanr lef-euq ma.