1 Gawˇliˬtu 14:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Dawqbav bav-eu tsawrhaq-aq, yawqhar yawqha taef-aer bihuiq bi manrlar-eu mae. Aerkhawf, Miqyaer gharduq ngaeqdan-eu tsawrhaq-aq, Kalizaq armur-anr bihuiq bi manrlar-eu mae.

Akha

⁴ Dawˬ gʼawˬ mya jeˬ ngehˬ-eu kʼoeˇ-aˬ, yawˬ ha gʼaˇ duˬ tehꞈ-ehˇ gaˇ dahˇ tsoeˬ-awˇ, Miˬyehˇ dawˬ kawˬ mehˬ-eu kʼoeˇ-aˬ, Ka li zaˬ aˇ muˇ muˇ lah ni gʼaˇ duˬ gaˇ dahˇ tsoeˬ-eu meh.

1 Gawˇliˬtu 14:4 ပူးပေါင်းရင်းမြစ်များ

Maˬkuˆ 16:17

Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a.

Lormav 14:19

Khoermirnae, aqdui tsaqler dzoerlerni hawr-eu tiqghaq tirghaq bihuiq bi manrlarni mr kar-eur.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

1 Gawˇliˬtu 13:1

Ngar, tsawrhaq-euq dawqdeuq hawr-eu mqtav ghaqkhaer-euq dawq bavnya-eu khawf, gaq-eu jeq maqanr nar-aq, ngaq nae ngaeq-euq dawq-aq, boeloe diq-eu tersar hawr-eu caexlaer civ-eu tersar-anr dur-eu taef mae.

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

1 Gawˇliˬtu 14:12

Khoerlof-aer durni, nawmaf khawf saflar paw-euq lafsawq za’mawf-awr, nuima keuv-awr sharpovluf ngae, Kalizaq armur-anr bihuiq bi manrlar nya-eu lafsawq deuq-anr yawmuiq-aer zmqnya larni laejae-awq.

1 Gawˇliˬtu 14:22

Khoermirnae, dawqbav bav-eu-aq, jan-eu tsawrhaq-euq gharduq maqngeur-aer, maqjan-eu tsawrhaq-euq gharduq bisiq bimawr-eu jeq pyeuf-eu mae. Aerkhawf, Miqyaer gharduq ngaeqdan-eu-aq, maqjan-eu tsawrhaq-euq gharduq maqngeur-aer, jan-eu tsawrhaq-euq gharduq mae.

1 Gawˇliˬtu 14:26

Tox-aer mar-iq, aqyuif aqnyir deuq-or! Aqjox-aer janr-eu tsaq la? Nawmaf uiqler ngae, yawqghaq navluf tiqghaq tiqjeq-aer car-awr jaceuq-eu, maeqnaeq tsovnaeq-eu, dawqbav bav-eu, panmaeq naeq-eu, dawqtsuif yurdov-eu, heudeuq mr-eu mae. Yawqjeq navluf aqcawq huiqlar manrlarni mr-awq.

1 Gawˇliˬtu 14:3

Aerkhawf, Miqyaer gharduq ngaeqdan-eu tsawrhaq-aq, tsawrhaq-anr ghaq bif-awr nuima bi sarlar-eu uqtaf, bihuiq bi manrlarni ngaeq-eu mae.

1 Gawˇliˬtu 14:5

Ngar, nawmaf yawqghaq navluf-anr dawqbav bi bavnya’mawf mir-a. Aerkhawf, nawmaf, Miqyaer gharduq ngaeqdan-eu gar ngar geufmawfdzaeq nya. Aqjeq mirnae aernar-aq, Kalizaq armur huiqlar manrlarni dawqbav bav-eu dawqtsuif maq yurdov nar-aq, Miqyaer gharduq ngaeqdan-eu ghaq-aq, dawqbav bav-eu ghaq navmaqtser gardanr tsoeqdzaeq-eu mae.