1 Gawˇliˬtu 14:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, Miqyaer gharduq ngaeqdan-eu tsawrhaq-aq, tsawrhaq-anr ghaq bif-awr nuima bi sarlar-eu uqtaf, bihuiq bi manrlarni ngaeq-eu mae.

Akha

³ Ehˇ kʼawꞈ, Miˬyehˇ dawˬ kawˬ mehˬ-eu tsawˇ haˬ-aˬ, tsawˇ haˬ zaˬ-ahˇ ngehˬ cawˬ-eu jeˬ pyeuꞈ-eu miˇ neh, aˬ cawˬ-ahˇ caw ba-eu, gʼaˬ biꞈ-eu, nui ma saˇ laˇ ni gʼaˬ biꞈ-eu dawˬ ngehˬ-eu tmˇ-eu, heu deuˬ mˇ nehˬ nya-eu meh.

1 Gawˇliˬtu 14:3 ပူးပေါင်းရင်းမြစ်များ

Luˇkaꞈ 3:18

Yorhaq-aq, tsawrhaq khoerdeuq-anr dawqmaeq maeq-eu lafkhoer ghawqmya jeq-euq garkawv nae ghaq bifnaeq-euq mae.

Gʼaˬkʼehˇ 13:15

Zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr guighaq ngae, zanrdawq khawqnymr-anr uvlanr-eu deuq aqyawfnyaf jawr-eu gar tsawrhaq khaerghae-awr heulof-aer bi tsafgaq-ir-euq mae, “Aqyuif aqnyir deuq-or! Tsawrhaq heudeuq-anr ghaq bifmawf-eu jeq jav nar-aq bif-awq.”

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Gʼaˬkʼehˇ 15:32

Yurdav hawr-eu Siqlav, aqnyaf khawf, Miqyaer gharduq ngaeqdan-eu tsawrhaq pyeuf-eu mirnae, aqyuif aqnyir deuq-anr dawq ghawqmya’ni ngaeqnaeq-eu lafkhoer maeqbawq bif-awr ghaq bi khavlar-euq mae.

Gʼaˬkʼehˇ 4:36

Gurbaqlur irjawlanr-anr daefle-euq Leqbir arjeuq arca Yorsaev laer kur-eu tiq ghaq jawr-eu mae. Ghaqkhaer deuq, aqyawf-anr Baqnaqbar laer myanrpar naeq-euq mae (Baqnaqbar laer aer-eu-aq, “Ghaq bif-eu zaqyo” laer aermawf-eu mae).

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

Lormav 12:8

Ghaq bif-eu lafsawq za-euq ngeur nar-aq, ghaq bif-awq. Bif-awr damq-eu lafsawq za-euq ngeur nar-aq, nuima jerloni bif-awr damq-awq. Sheuqghae-eu lafsawq za-euq ngeur nar-aq, laejae-awr sheuqghae-awq. Ghawqshaq gaq-eu lafsawq za-euq ngeur nar-aq, laqkhaq tiqcaer ghawqshaq gaqnaeq-awq.

Lormav 14:19

Khoermirnae, aqdui tsaqler dzoerlerni hawr-eu tiqghaq tirghaq bihuiq bi manrlarni mr kar-eur.

Lormav 15:2

Aqdui yawqghaq navluf, yawqha-euq dawqpae jawr-eu tsawrhaq-anr muiqni, aqyawfmaf nuikhanr shirni mrnaeq-awr bihuiq bi manrlar kar-eur.

1 Gawˇliˬtu 10:23

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, yawqjeq navluf-aer bihuiq bi manrlar-eu maqngeur-a.

1 Gawˇliˬtu 14:12

Khoerlof-aer durni, nawmaf khawf saflar paw-euq lafsawq za’mawf-awr, nuima keuv-awr sharpovluf ngae, Kalizaq armur-anr bihuiq bi manrlar nya-eu lafsawq deuq-anr yawmuiq-aer zmqnya larni laejae-awq.

1 Gawˇliˬtu 14:17

Nawq nae Miqyaer-anr jaceuq-euq dawq yawmuiq law-awr khawf, aqcawq-anr maqbi huiq maqbi manrlar nya-a.

1 Gawˇliˬtu 14:26

Tox-aer mar-iq, aqyuif aqnyir deuq-or! Aqjox-aer janr-eu tsaq la? Nawmaf uiqler ngae, yawqghaq navluf tiqghaq tiqjeq-aer car-awr jaceuq-eu, maeqnaeq tsovnaeq-eu, dawqbav bav-eu, panmaeq naeq-eu, dawqtsuif yurdov-eu, heudeuq mr-eu mae. Yawqjeq navluf aqcawq huiqlar manrlarni mr-awq.

1 Gawˇliˬtu 14:31

Aqjeq mirnae aernar-aq, tsawrhaq dawqtawvluf dzawgeuf-awr ghaq za’ni, nawmaf yawqghaq navluf tiqghaq sair tiqghaq Miqyaer gharduq ngaeqdannya taef-a.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

2 Gawˇliˬtu 1:4

Miqyaer, aqdui-anr nuima bi sarlar-euq lof-aer, khaeq-awr khav-eu kharngeur-eu jeq-anr yadaq-eu tsawrhaq-anr nuima bi sarlar nya’ni, aqdui nae yadaq-euq khaeq-awr khav-eu yawqjeq navluf-euq lafkhoer, aqyawf, aqdui-anr nuima bi sarlar naeqlaf-euq mae.

2 Gawˇliˬtu 2:7

Aerkhawf, aqyawf ardzaeq noeqshaq dzeur-awr, maqya cawv-ir ni, nawmaf, aqyawf-anr iqbax pyaeqjir naeq-awr, aqyawf-anr bi noeqsar lar-eu tsaq taef-a.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Eˇpeˇsu 6:22

Nga’maf aqjox-aer pyeufluf-eu garkawv nawmaf-anr bisiq-awr, nawmaf-euq nuima bi sarlar-eu gharduq, ngar, aqyawf-anr nawmaf jawr-eu gar khaerghae lef-euq ma.

Gawˇlawˇsehˇ 4:8

Aqyawf, nawmaf aqjox-aer pyeufluf-eu garkawv siqnya-awr, nawmaf-euq nuima-anr bi sarlarni, heu-euq gharduq, ngaq nae aqyawf-anr nawmaf jawr-eu gar bi’oe-euq ma.

1 Teˇsaˬloˇni 2:11

Aqda tiq ghaq, yawqha-euq zaq-anr janrnaeq-eu lof-aer, nga’maf khawf nawmaf yawqghaq navluf-anr ghaq bif-awr, nuima bi sarlar-euq gar nawmaf siqnya mae.

1 Teˇsaˬloˇni 2:3

Nga’maf, nawmaf-anr ghaq bif-euq khoer-aq, maqtsaq-eu jeq hawr-eu maqshawr-eu lafkhoer mr-euq maqngeur. Maershuir shuir-eu laer mr-euq khawf maqngeur.

1 Teˇsaˬloˇni 3:2

Nawmaf jan-eu jeq zifdanni ghaelarni, ghaq bibif-eu gharduq, nga’maf nae nawmaf jawr-eu gar aqdui-euq maernmr Tivmorseq bilar-euq ma. Aqyawf-aq, Miqyaer-euq kuirlaf zaqkhav pyeuf-awr, Kali-euq guiqlanqdawq maeq-eu, nga’maf-euq gar mrcawq pyeuf-eu mae.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

1 Teˇsaˬloˇni 4:18

Khoermirnae, nuima sarlarni tiqghaq tirghaq dawq heudeuq jasawx-awq.

2 Teˇsaˬloˇni 3:12

Nga’maf, khoerlof-aer ghae-eu tsawrhaq-anr, Ciqcurni ghae-eu lafkhoer, yawqha-euq gar yawqha mr-awr, yawqha mr-euq yawqha dzaq-awq laer Sanqpaq Yeqsur Kali-euq tsawrmyanr-euq uqmov dawq hawr-eu ghaq bif-eu ma.

1 Tiˆmoˇseˬ 1:4

Khoeruqtaf, dawqmawq dawqoer ja-eu hawr-eu arsaq saq-eu maqbaw-eu tsuif gui-eu gar taq narhaq’ laer aqyawf maf-anr dawq bibif-eu laer khawf ngeur ma.” Garkawv khoerdeuq-aq, jan-eu lafkhoer Miqyaer-euq gar mr-eu gar maq cawba-eu uqtaf, tsawrpyaer pyaer-eu jeq taef-aer bi dovlar-eu mae.

1 Tiˆmoˇseˬ 4:13

Ngar oekeuv ngae keuvni, Yaerbof guimaeq-eu, ghaq bif-eu hawr-eu dawqmaeq dawqtsov tsov-eu, heudeuq-anr dawqpaeq taq-awr mrmr-aer jawr-awq.

1 Tiˆmoˇseˬ 6:2

Kalizaq pyeuf-eu yawsanr deuq-euq zaqkhav geufluf-eu deuq-aq, yawqha-euq yawsanr ghaq-euq aqyuif aqnyir pyeuflar-euq mirnae, yawqha-euq yawsanr ghaq-anr yaeqbawq saerlu-aer maqya ghae-a. Aqyawf maf-euq gharduq ngeurdzaeq laejae-awr gar mrnaeq paq-aer ghae-eu mae. Aqjeq mirnae aernar-aq, aqyawfmaf khoerlof-aer mr ngae, gaq-eu aqyuif aqnyir deuq hawr-eu jan-eu tsawrhaq deuq guiqlanq za-eu mae. Nawr, garkawv heudeuq maeqnaeq tsovnaeq-awr ghaq bif-awq.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Tiˇtuˆ 1:9

Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

Tiˇtuˆ 2:6

Khoerlof-aer durni, aqda dakhar deuq-anr khawf, yawqjeq navluf-euq lafkhoer nuima yawmuiq-aer taqnya’ni ghaq bif-awq.

Tiˇtuˆ 2:9

Zaqkhav deuq-aq, yawqha-euq yawsanr ghaq-euq lafov yawmuiq-aer jawr-awr, yawqjeq navluf-euq lafkhoer, aqyawf nuikhanr shirni mr-awq laer, zaqkhav deuq-anr maeqnaeq-awq. Dawqpov taqpov.

HeˬByehˇ 10:25

Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

HeˬByehˇ 13:22

Aqyuif aqnyir deuq-or! Ngar, nawmaf-anr sanqbof heumyav dawq bofanr laf-awr, maeqbawq bif-eu dawq-anr or-awr narhaq geuf-awq laer ngar, nawmaf-anr shar-eu ma.

HeˬByehˇ 3:13

Nawmaf-euq lafkhoer tiqghaq-iq iqbax maershuir shuir-eu baqda’nae nuima maqya ghanr-ir ni, “Iqnan” laer kur-eu aryamq-euq lafkhoer, nan-anr nae tiqghaq tirghaq, ghaq bif-awq.

1 Beˬtuˆluˆ 5:12

Ngar, maernmr laer sawxtaq-euq, sarjax zif-eu aqdui-euq maernmr Siqlaqnmr-anr ghoe-awr, nawmaf-aq, aqdir aqmar Miqyaer-euq guiqlanq yawdzanr-euq lafkhoer yawfluf-eu mae laer sarkir kamq-awr, ghaq bif-eu gharduq, sanqbof yawnymr nymr-aer bofanr lef-euq ma.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.