1 Gawˇliˬtu 14:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Nawmaf gaq-eu jeq-anr taemi nya’ni laejae-awq. Saflar paw-euq lafsawq-anr khawf za’mawf-eu nuima anr-awr, dawqtawv luf-euq navmaqtser Miqyaer gharduq ngaeqdan mawf-awq.

Akha

¹ Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

1 Gawˇliˬtu 14:1 ပူးပေါင်းရင်းမြစ်များ

Dawqdaq 15:9

Ya’we Miqyaer, tsawrcawv-euq garma-anr nuidav dav-eu mae. Aerkhawf, aqyawf, tsaq-awr dawr-eu jeq-anr cantae-eu tsawrhaq-anr gaq-eu mae.

Dawqdaq 21:21

Tsaq-awr dawr-eu jeq hawr-eu, Ghawqshaq gaq-eu jeq-anr cantae-eu tsawrhaq-aq, Daef-eu jeq, tsaq-awr dawr-eu jeq hawr-eu khanqsaer ya’mawr taef-a.

Lormav 12:6

Aqdui-anr bifnaeq laf-euq guiqlanq yawdzanr-euq baqda’nae, aqdui zataq-euq lafsawq maq durler-a. Aqdui lafsawq khoerdeuq zmq kar-eur: Miqyaer gharduq ngaeqdan-eu lafsawq za-euq ngeur nar-aq, jan-eu ghaq kharkhav-eu lof-aer Miqyaer gharduq ngaeqdan-awq.

Lormav 14:19

Khoermirnae, aqdui tsaqler dzoerlerni hawr-eu tiqghaq tirghaq bihuiq bi manrlarni mr kar-eur.

Lormav 9:30

Tox-aer mar-iq, aqdui aqjox-aer aer-eu paq nga? Aqcawq tsawrjeuq tsawrca deuq-aq, tsaq-awr dawr-eu jeq-anr maq sharpov-euq khawf, tsaq-awr dawr-eu jeq-anr zataq-euq mae. Tsaq-awr dawr-eu jeq za-euq khoer-aq, jan-eu mirnae za-euq mae.

1 Gawˇliˬtu 12:1

Aqyuif aqnyir deuq-or! Saflar paw-euq lafsawq deuq-euq garkawv, ngar, nawmaf-anr maq siqnya-aer maqbi ghaemawf nya.

1 Gawˇliˬtu 12:31

Aerkhawf, nawmaf muiq duidui-eu lafsawq deuq-anr nuima keuv-awr sharpov-awq. Ngar, nawmaf-anr dawqtawv luf-euq navmaqtser muiqdzaeq-eu garma toeqmaeq naeqnyar de-eq.

1 Gawˇliˬtu 13:13

Nymq-mr-aq, jan-eu jeq, noeqtmq-eu jeq, gaq-eu jeq heu smr jeq jav-eu mae. Aerkhawf, heu smr jeq-euq lafkhoer nae huiqdzaeq dzaeq-eu jeq-aq gaq-eu jeq mae.

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

1 Gawˇliˬtu 14:22

Khoermirnae, dawqbav bav-eu-aq, jan-eu tsawrhaq-euq gharduq maqngeur-aer, maqjan-eu tsawrhaq-euq gharduq bisiq bimawr-eu jeq pyeuf-eu mae. Aerkhawf, Miqyaer gharduq ngaeqdan-eu-aq, maqjan-eu tsawrhaq-euq gharduq maqngeur-aer, jan-eu tsawrhaq-euq gharduq mae.

1 Gawˇliˬtu 14:37

Tsawrhaq tiqghaqnav, yawqha-aq, Miqyaer gharduq ngaeqdan-eu, maqngeur nar-aq, saflar paw-euq tsawrhaq ma laer noeq nar-aq, ngaq nae nawmaf-anr bofanr laf-euq jeq-aq, Sanqpaq Miqyaer nae bif-euq dawq ngar-a laer siqnya-eu tsaq mae.

1 Gawˇliˬtu 14:39

Khoermirnae, aqyuif aqnyir deuq-or! Nuima keuv-awr Miqyaer gharduq ngaeqdan-eu lafsawq-anr geufmawf duidui-awq. Dawqbav bav-eu gar khawf taq lavtsoeq.

1 Gawˇliˬtu 16:14

Nawmaf kharmr-eu yawqjeq navluf gaq-eu lafkhoer mr-awq.

Eˇpeˇsu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

1 Teˇsaˬloˇni 5:20

Miqyaer gharduq ngaeqdan-eu tsawrhaq-euq dawq-anr yaeqbawq saerlu-aer taqghae.

1 Tiˆmoˇseˬ 4:14

Aqyuif aqtsu deuq, nawq-euq khoertav aqlaf bafdav-awr, nawq-euq garkawv Miqyaer gharduq ngaeqdan ngae, nawr lafsawq za-euq mae. Nawr lafsawq khoer maq byaerdzaeni zmq-awq.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 6:11

Aerkhawf, Miqyaer-euq tsawrhaq pyeuf-eu nawr ghaq-aq, khoerdeuq-anr caevdzeur-awq. Tsaq-awr dawr-eu jeq, Miqyaer-anr yawzeu baw-eu jeq, jan-eu jeq, gaq-eu jeq, daqcoer orcoer-eu jeq hawr-eu nuinanq nuiyu anr-eu jeq, heudeuq-anr taemir nya’ni laejae-awq.

2 Tiˆmoˇseˬ 2:22

Nawr zaqguq-euq nuikhanr jav-eu jeq-anr garjaw jaw-awq. Shawrjaevni ghae-eu nuima anr-eu lafkhoer Sanqpaq Yeqsur-anr tanqshar-eu tsawrhaq deuq naeq-aer tsaq-awr dawr-eu jeq, jan-eu jeq, gaq-eu jeq hawr-eu tsaqler dzoerler-eu jeq heudeuq-anr laejae-awq.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

2 Beˬtuˆluˆ 1:7

Miqyaer-anr yawzeu baw-eu jeq-anr maernmr-anr ghawqshaq gaq-eu jeq bi lanqlar-awr, maernmr-anr ghawqshaq gaq-eu jeq-anr gaq-eu jeq bi lanqlar-awq.

3 Yoˇhaˬ 1:11

Ngar zawr gaq-eu cawq-or! Yawdoer jeq-anr taq hawgeuf, taq dzawgeuf, yawmuiq jeq-anr taef-aer hawgeuf dzawgeuf-awq. Yawmuiq jeq mr-eu tsawrhaq-aq, Miqyaer-anr taf-eu tsawrhaq mae. Yawdoer jeq mr-eu tsawrhaq-aq, Miqyaer-anr maq mawrhaw-euq tsawrhaq mae.