1 Gawˇliˬtu 13:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, nymq-mr aqdui siqnya-eu maqbyan-aer, Miqyaer gharduq ngaeqdan-eu khawf maqbyan-a.

Akha

⁹ Aˬ jeˬ miˇ neh ehˇ naˇ, aˬ dui za taˬ-euˬ zaˬ siˬ tsawˇ gahˇ hawˇ-eu Miˬyehˇ gʼaˇ duˬ ngehˬ dah nya-eu jeˬ-aˬ, maˬ byah maˬ loꞈ-a.

1 Gawˇliˬtu 13:9 ပူးပေါင်းရင်းမြစ်များ

Jaceuq 139:6

Siqnya-eu tsawrganr heu-aq, ngaq-euq gharduq ardzaeq-aer zanqler paq-aer ghae-awr, Ngar maq yurmir nya-eu gar yawgor-anr jav-eu mae.

Jaceuq 40:5

Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Dawqdaq 30:4

Mqtav mirkhanq-anr ledav-awr zafka le-euq aqsur ghaq-a? Laftuv-euq lafkhoer, jaqlaer nyaefuiq taq-euq aqsur ghaq la? Ircuf-anr paerkhanq nae cu-euq aqsur ghaq-a? Mirma oeqcoer oeqbawq lavzif-euq aqsur ghaq la? Aqyawf-euq tsawrmyanr aqjeq laer kur-awr, Aqyawf-euq Zaqyo-euq tsawrmyanr aqjeq laer la? Nawr siqnya ma lor?

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Lormav 11:34

“Sanqpaq Miqyaer-euq nuinoeq-anr aqsur ghaq siqnya-eu la? Aqyawf-anr, aqsur ghaq maeqbawq bifhaw-euq la?” (Isy 40:13)

1 Gawˇliˬtu 13:10

Aerkhawf, byan-eu jeq keuvle ngae, maqbyan-eu jeq byov-ir taef-a.

1 Gawˇliˬtu 13:12

Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

1 Gawˇliˬtu 8:2

Tsawrhaq tiq ghaq, yawqha tiqjeqpaq siqnya ma laer noeq nar-aq, aqyawf siqnya paq-aer ghae-eu jeq, tiqjeq-iq maq siqnya-a siq.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.