1 Gawˇliˬtu 13:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Gaq-eu jeq-aq, byov-ir-eu maqbaw-a. Aerkhawf, tiq nan, Miqyaer gharduq ngaeqdan-eu jeq byov-ir-awr, dawqbav bav-eu, naq-ir-eu baw-eu uqtaf, siqnya-eu tsawrganr khawf maqjav-aer pyeuf-ir taef-a.

Akha

⁸ Gʼoeˇ-eu gaˬ-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh. Miˬyehˇ gʼaˇ duˬ ngehˬ dah-eu jeˬ jaˆ luꞈ meh. Ehˇ kʼawꞈ, tiˬ kʼehˬ tiˬ yamˬ gmˬ-eu tehꞈ meh. Dawˬ gʼawˬ mya jeˬ ngehˬ nya-eu tsawˇ gahˇ jaˆ luꞈ meh. Ehˇ kʼawꞈ, gʼawˬ myahˇ ni maˬ kamˬ-a. Zaˬ siˬ tsawˇ gahˇ kʼawꞈ jaˆ luꞈ meh. Ehˇ kʼawꞈ, gʼawˬ myahˇ ni maˬ ziꞈ-a.

1 Gawˇliˬtu 13:8 ပူးပေါင်းရင်းမြစ်များ

Luˇkaꞈ 22:32

Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

Gʼaˬkʼehˇ 13:1

Aqdirawq Kalizaq armur-euq lafkhoer, Miqyaer gharduq ngaeqdan-eu deuq hawr-eu maeqnaeq tsovnaeq-eu deuq jawr-eu mae. Tsawrhaq khoerdeuq-aq, Baqnaqbar, Nirgaq laer kur-euq Surmoq, Kurleqniq mirkhanq-anr jawr-eu Lurgir, mirkhanq-anr uvlanr-eu Heqlor naeq-aer tiqkawv lof-aer huiqlar-euq Maqneq hawr-eu Sawrluv, heudeuq mae.

Gʼaˬkʼehˇ 19:6

Khoernar-aq, Pawrluv, aqyawf maf-euq khoertav aqlaf bafdavnaeq ngae, aqyawf maf-euq khoertav Yawshawr Saflar zafka le-euq mae. Aqyawfmaf dawqbav bav-eu uqtaf, Miqyaer gharduq ngaeqdan-eu mae.

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

1 Gawˇliˬtu 13:10

Aerkhawf, byan-eu jeq keuvle ngae, maqbyan-eu jeq byov-ir taef-a.

1 Gawˇliˬtu 13:13

Nymq-mr-aq, jan-eu jeq, noeqtmq-eu jeq, gaq-eu jeq heu smr jeq jav-eu mae. Aerkhawf, heu smr jeq-euq lafkhoer nae huiqdzaeq dzaeq-eu jeq-aq gaq-eu jeq mae.

1 Gawˇliˬtu 14:39

Khoermirnae, aqyuif aqnyir deuq-or! Nuima keuv-awr Miqyaer gharduq ngaeqdan-eu lafsawq-anr geufmawf duidui-awq. Dawqbav bav-eu gar khawf taq lavtsoeq.

1 Gawˇliˬtu 8:2

Tsawrhaq tiq ghaq, yawqha tiqjeqpaq siqnya ma laer noeq nar-aq, aqyawf siqnya paq-aer ghae-eu jeq, tiqjeq-iq maq siqnya-a siq.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

HeˬByehˇ 8:13

“Dawqma sarjax yawshuif” laer aer ngae, dawqma sarjax yawbae hmq zmq-eu aryamq bijir-euq mae. Zmq-eu aryamq jir-awr, oer-ir-euq jeq-aq, byov-ir-eu dawqpae paelar-eu mae.