1 Gawˇliˬtu 13:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Gaq-eu jeq-aq, nuinoeq ghawqmanrni noeq-awr, ghawqshaq gaqnya-eu mae. Gaq-eu jeq-aq, myav maqnav-aer, maq janrghae-eu uqtaf, nuima maqhuiq-a.

Akha

⁴ Gʼoeˇ-eu gaˬ-eu jeˬ-aˬ, nui ma gʼawˬ mahˇ ni taˬ-awˇ, aˬ cawˬ-ahˇ gʼawˬ shaˬ gaˬ nya-eu meh. Myaˆ maˬ naˆ-a. Maˬ jahˇ gʼeh-a. Huiˬ mawꞈ mahˇ mawꞈ-eu nui ma maˬ ahˇ-a.

1 Gawˇliˬtu 13:4 ပူးပေါင်းရင်းမြစ်များ

Jaceuq 10:5

Aqyawf-euq garma-aq, aqmyanluf muiqlar sanrlar-awr, Nawq-euq yarkhaq dar-eu jeq-aq, ardzaeq-aer gor-eu mirnae, aqyawf maq mawrnya-a. Aqyawf-anr muir-eu deuq-anr, aqyawf aqjaf jafnaeq-eu mae.

Dawqdaq 10:12

Byae-eu jeq-aq, iqdaeq iqcae bi dovlar-eu mae. Aerkhawf, gaq-eu jeq-aq, yawbanq yawlaeq dawqtawv luf-anr daeqkaq-eu mae.

Dawqdaq 13:10

Nuima huiq-eu jeq-aq, iqdaeq iqcae taef-aer bi dovlar-eu mae. Aerkhawf, maeqbawq bif-eu gar hageuf-eu tsawrhaq-aq, Zaqsiq tsawrganr za-eu mae.

Dawqdaq 17:14

Iqdaeq iqcae ardanq bae-eu-aq, irtsanr tanqpav-eu gar dur-eu mirnae, Dawqpyaer pyaer-eu ardanq maqbae lar-euq minav-aer lavnaq-eu tsaq mae.

Dawqdaq 17:9

Yawbanq yawlaeq-anr daeqkaq-eu tsawrhaq-aq, Gaq-eu jeq pov-eu mae. Aerkhawf, gardzaq ngaeqpov-eu tsawrhaq-aq, Cawqdeuq lavghawq-eu mae.

Dawqdaq 19:22

Ghawqshaq gaq-eu jeq-aq, Tsawrhaqzaq tiq ghaq-euq lafkhoer nae, Aqcawq geufmawf dzaeqdzaeq-eu jeq pyeuf-eu mae. Irshaqzaq pyeuf-eu-aq, Jaqmyawf myawf-eu tsawrhaq pyeuf-eu navmaqtser muiqdzaeq-eu mae.

Dawqdaq 31:20

Aqyawf, irshaqzaq-anr aqlaf cawqdov naeq-awr, Aqyawf-euq aqlaf, shaqzaq zanqzaq-anr cawqja naeq-eu mae.

Dawqdaq 31:26

Aqyawf-euq khaqmae mrnga ngae, zaqsiq tsawrganr dovle-awr, Aqyawf-euq maeqlar-aq, ghawqshaq gaq-eu zanrdawq ngaeq-eu mae.

Maꞈtehˬ 27:18

Aqyawfmaf, Yeqsur-anr myavnav nav-eu mirnae, aqyawf jawr-eu gar nyaefha lar-euq nga laer Pirlav siqnya-eu mae.

Gʼaˬkʼehˇ 7:9

“Aqpoeq heudeuq, Yorsaev-anr myavnav nav-eu mirnae, Irjirtuv-anr anqdzae-euq mae. Aerkhawf, Miqyaer, aqyawf naeq-aer jawr-awr,

Lormav 1:29

Aqyawf maf-euq lafkhoer heudeuq dawqtawvluf anr-eu mae: maqtsaq maqdawr-eu jeq, banq-awr khaqmiq sheu-eu jeq, yawcawv jeq, maerjuir juir-eu jeq, yawdoer jeq mr-eu, myavnav nav-eu, tsawrhaq-anr saef-eu, caemawf-eu, jaqmyawf maershuir shuir-eu, noeqdoer-eu hawr-eu jabu jadoer-eu mae.

Lormav 13:13

Aqdui nan’ghanr paw daef paq-aer ghae-eu lof-aer daefghae-awq. Byaeqlaeq shaevdae-aer bui-eu jeq hawr-eu dzaqnyawq dawryaef-eu jeq-euq lafkhoer maqdaef-aer, jawflafni ghae-eu jeq hawr-eu shiqshaq-euq nuikhanr-euq lafkhoer maqdaef-eu uqtaf, cae-awr myavnav nav-eu lafkhoer taqdaef.

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

1 Gawˇliˬtu 4:18

Tsawrhaq tiqpavnav deuq, ngar, nawmaf jawr-eu gar maqlar-ar laer noeq-awr nuima huiqluf-eu mae.

1 Gawˇliˬtu 4:6

Aqyuif aqnyir deuq-or! Nawmaf tiqghaq-iq nuima huiq-awr, tiq ghaq-anr muiq-awr tiq ghaq-anr doer-eu jeq maqya mr-aer, Yaerbof-anr boftaq-euq taf-aer maqbi mrdzaeq-eu gharduq, Aqpawrluv hawr-eu ngaq-anr dzawgeufni, nga’nyaf-euq garkawv sheucaev-awr bofanr lef-euq ma.

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

2 Gawˇliˬtu 12:20

Ngar, nawmaf jawr-eu gar oekeuv ngae, ngar noeqtmq-eu lof-aer nawmaf maqpyeuf-aer, nawmaf noeqtmq-eu lof-aer ngar khawf maqpyeuf-eu law maqsiq laer guv mir-a. Iqdaeq iqcae dov-eu, myavnav nav-eu, nuima ardzaeq-aer paer-eu, yawqha-euq gharduq taef-aer tov-eu, jabu jadoer-eu, dawqdoer khoeqsav-eu, nuima huiq-eu hawr-eu suqsaq larni janr-eu, heudeuq jav-eu paq laer ngar khanqlanr mir-a.

2 Gawˇliˬtu 6:6

Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

Gaˬlaˬtiˆ 5:26

Aqdui nuima maqhuiq-aer, tiqghaq tirghaq nuima maq lavpaer-eu uqtaf, tiqghaq tirghaq myav maq navni daef kar-eur.

Eˇpeˇsu 4:2

Yawqjeq navluf-euq lafkhoer, nuinanq nuiyu anr-awr, nuima nanqyuni ghae-eu uqtaf, nuinoeq ghawqmanrni noeq-awr, gaq-eu lafkhoer tiqghaq tirghaq or-awq.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Piˇliˇpiˆ 1:15

Tsawrhaq tiqghaq nav-aq, myavnav nav-awr caeghaq mawf-eu mirnae, Kali-euq garkawv dawqmaeq maeqluf-eu mae. Aerkhawf, tiqghaq nav-aq, aqdir nuima keuv-awr maeqluf-eu mae.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

Gawˇlawˇsehˇ 2:18

Gardanr maqtsoeq-eu gar shiqshaq nuilov-euq lafkhoer nuima huiq-awr, yawqha nae maq mawrhaw-euq jeq-anr banqgha-eu uqtaf, nuinanq nuiyu jaqmyawf anr-awr, mqtav ghaqkhaer-anr uqduq tanq-eu heudeuq-anr nuikhanr shir-eu tsawrhaq tiqghaq nae-iq, nawmaf-euq mrpoeq lafsawq maqbi shuirdovni yanr-awq.

Gawˇlawˇsehˇ 3:12

Nawmaf-aq, Miqyaer nae tserdov taq-awr, aqyawf zawr gaq-awr shawr-eu tsawrhaq pyeuf-eu mirnae, ghawqshaq gaq-eu, yawmuiq jeq mr-eu, nuinanq nuiyu anr-eu, nuima nanqyuni ghae-eu, nuinoeq ghawqmanrni noeq-eu, heudeuq dmdav-awq.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

1 Tiˆmoˇseˬ 6:4

aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

2 Tiˆmoˇseˬ 3:10

Aerkhawf, nawr-aq, ngaq-euq dawqmaeq dawqtsov, mr-awr shar-eu, noeqtmq-eu, jan-eu, nuinoeq ghawqmanrni noeq-eu, gaq-eu, or-eu nuima anr-eu, heudeuq-anr yawmuiq-aer cantae-euq mae.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

Yaˬkoˆ 4:5

“Miqyaer nae aqdui-euq lafkhoer bijawr naeqlaf-euq Saflar myavnav nav-eu mae” laer Yaerbof-euq lafkhoer boftaq-euq dawq khoerdawq yawqngaef-aer boftaq-euq nga laer nawmaf noeq-eu le lor?

1 Beˬtuˆluˆ 2:1

Khoermirnae, nawmaf maqmuiq maqjaq-eu yawqjeq navluf byaerdzae yaf-awq. Jaqmyawf maershuir, yawmuiq janrgeuf-eu, myavnav nav-eu hawr-eu dawqdoer ngaeq-eu dawqtawvluf byaerdzae jir-awq.

1 Beˬtuˆluˆ 3:8

Arsaq heulof-aer saq-eu ma: nawmaf dawqtawvluf nuima tiqsiq taef-aer taq-awr, tiqghaq tirghaq ghawqshaq gaq-eu uqtaf, aqyuif aqnyir yawkaq gaq-eu lof-aer gaq-awr, nuima nanqyuni ghae-eu lafkhoer, aqcawq-euq gharduq sharnoeq nya-awq.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

2 Beˬtuˆluˆ 1:7

Miqyaer-anr yawzeu baw-eu jeq-anr maernmr-anr ghawqshaq gaq-eu jeq bi lanqlar-awr, maernmr-anr ghawqshaq gaq-eu jeq-anr gaq-eu jeq bi lanqlar-awq.

1 Yoˇhaˬ 4:11

Ngar zawr gaq-eu cawqdeuq-or! Miqyaer, aqdui-anr heunav nav-aer gaq-euq mirnae, aqdui khawf tiqghaq tirghaq gaq-eu tsaq mae.