1 Gawˇliˬtu 13:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nymq-mr-aq, jan-eu jeq, noeqtmq-eu jeq, gaq-eu jeq heu smr jeq jav-eu mae. Aerkhawf, heu smr jeq-euq lafkhoer nae huiqdzaeq dzaeq-eu jeq-aq gaq-eu jeq mae.

Akha

¹³ Nymˬ-mˇ-aˬ, jah-eu jeˬ, noeˬ tmˬ-eu jeˬ, gʼoeˇ-eu gaˬ-eu jeˬ, heu smˇ jeˬ jaˆ-eu meh. Heu smˇ jeˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu jeˬ-aˬ, gʼoeˇ-eu gaˬ-eu jeˬ meh.

1 Gawˇliˬtu 13:13 ပူးပေါင်းရင်းမြစ်များ

Jaceuq 146:5

Yaqkov-euq Miqyaer nae bi cawba-euq tsawrhaq-aq, guiqlanq huiq-eu mae; Aqyawf-euq Miqyaer pyeuf-eu Ya’we Miqyaer-anr noeqtmq-eu tsawrhaq-aq, guiqlanq huiq-eu mae.

Jaceuq 42:11

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, ngaq-euq Miqyaer, Ngaq naeq-aer jawr-awr cawba naeqlaf-eu mirnae ngar, aqyawf-anr jaceuq le siq.

Jaceuq 43:5

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Ngaq-euq Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

Luˇkaꞈ 10:27

Aqyawf aerkhof-eu, “ ‘Nawq-euq nuima dawqtawvluf, saflar dawqtawvluf, ghaq dawqtawvluf, nuinoeq nuidur dawqtawvluf, nawq-euq Sanqpaq Miqyaer-anr gaq-awq. (Dm 6:5) Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-awq.’ ” (Lb 19:18)

Luˇkaꞈ 22:32

Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

1 Gawˇliˬtu 14:1

Nawmaf gaq-eu jeq-anr taemi nya’ni laejae-awq. Saflar paw-euq lafsawq-anr khawf za’mawf-eu nuima anr-awr, dawqtawv luf-euq navmaqtser Miqyaer gharduq ngaeqdan mawf-awq.

1 Gawˇliˬtu 16:14

Nawmaf kharmr-eu yawqjeq navluf gaq-eu lafkhoer mr-awq.

1 Gawˇliˬtu 3:14

Tsawrhaq tiqghaqnav gawrdanq baetaq-euq khoer-anr nae tsovdav lef-euq khoer zif nar-aq, aqyawf-euq mrpoeq lafsawq za taef-a.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

1 Gawˇliˬtu 8:3

Aerkhawf, tsawrhaq tiq ghaq, Miqyaer-anr gaq nar-aq, Miqyaer, aqyawf-anr siqnya mae.

2 Gawˇliˬtu 5:10

Aqjeq mirnae aernar-aq, aqdui yawqghaq navluf yawqha-euq mawrdo-euq lafkhoer daef ngae, khar daefyaf-euq lof-aer, muiq nar-aq muiq-awr, doer nar-aq doer-aer za’ni, Kali-euq yarkhaq dar-eu nuirmanq-euq maeqshi ya yawfler-eu mae.

2 Gawˇliˬtu 5:15

Daefluf-eu tsawrhaq deuq yawqha-euq gharduq maqpar daef-aer, aqyawf maf-euq gharduq shirdan-awr ghofdaef lar-euq ghaq-euq gharduq daefni, tsawrhaq dawqtawv luf-euq gharduq aqyawf shirdan-euq mae.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Piˇliˇpiˆ 1:9

Ngar heulof-aer guiqlanq sharluf-eu ma: nawmaf siqnya-eu tsawrganr hawr-eu yawqjeq navluf tserpav birpav nya-eu lafkhoer, nawmaf-euq gaq-eu jeq tiqjawr sair tiqjawr myaqlar-awr,

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Gawˇlawˇsehˇ 3:14

Aerkhawf, heudeuq dawqtawv luf-euq khoertav, yawqjeq navluf byanlarni ganrdzanq nya-eu gaq-eu jeq dmdav ghae-awq.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

1 Teˇsaˬloˇni 5:8

Aerkhawf, aqdui-aq, nan’ghanr-anr taf-eu tsawrhaq mirnae, yawha-euq nuima-anr ghaqler-eu tsaq mae. Jan-eu jeq hawr-eu gaq-eu jeq khanq-anr daeqdaq-eu jeq lof-aer dm-awr, kakhof-eu jeq za mae laer noeqtmq-eu jeq, shmr uqkhov lof-aer khov kar-eur.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

2 Tiˆmoˇseˬ 1:7

Aqjeq mirnae aernar-aq, Miqyaer, aqdui-anr guv-eu nuima saflar bifnaeq laf-euq maqngeur-a. Aerkhawf, baoq anr-eu, gaq-eu hawr-eu yawqha-euq nuima-anr ghaqler-eu nuima saflar bifnaeq laf-euq mae.

HeˬByehˇ 10:35

Khoermirnae, nawmaf yawduq baw-eu jeq-anr taq byaerdzae. Aqjeq mirnae aernar-aq, nawmaf heu-euq baqda’nae huiq duidui-eu mrpoeq lafsawq za taef-a.

HeˬByehˇ 10:39

Aerkhawf, aqdui-aq, narkhan paw jivkhof ghae-awr, yacawv-ir-eu tsawrhaq khoerdeuq maqngeur. Jan-eu mirnae, saflar kakhof-eu jeq-anr za-eu tsawrhaq ma.

HeˬByehˇ 6:11

Nawmaf nae noeqtmqduq taq-euq lof-aer aqdir byanlarni, nawmaf yawqghaq navluf arsaqsaq ngae keuvni yawmuiq-aer laejae-awr mrghae-eu gar nga’maf geufmawf mir-a.

HeˬByehˇ 6:19

Aqdui noeqtmq-eu jeq-aq, lawq maqbi jiv-ir ni shmr kuvseuq seuqma nae seuqtaeq taq-euq lof-aer, aqdui-euq nuima saflar-anr zifdanni seuqtaeq taq-euq mirnae, saqpar lawvkaq-euq narkhan, Miqyaer-euq maeqshi urler nya’ni noeqtmq-eu jeq pyeuf-eu mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Yoˇhaˬ 2:10

Yawqha-euq maernmr-anr gaq-eu tsawrhaq-aq, yawshaef-euq lafkhoer jawrluf-eu mirnae, aqyawf-euq baqda’nae aqcawq sanqtif tifkhar maqza-a.

1 Yoˇhaˬ 2:14

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf ghaq khav-eu mirnae, ngar, nawmaf-anr sanqbof bofanr lef-euq ma. Miqyaer-euq dawq aqmyanluf nawmaf-euq lafkhoer anr-awr, nawmaf yawcawv ghaq-anr ghaqler-euq mae.

1 Yoˇhaˬ 2:24

Yawbae ngae nae, nawmaf yagaq-euq deuq aqmyanluf nawmaf-euq nuima-euq lafkhoer bi’anr-awq. Yawbae ngae nae, nawmaf yagaq-euq deuq nawmaf-euq nuima-euq lafkhoer anr nar-aq, nawmaf, Zaqyo-euq lafkhoer hawr-eu Aqda Miqyaer-euq lafkhoer khawf jawr-eu mae.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.

1 Yoˇhaˬ 3:9

Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.