1 Gawˇliˬtu 13:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar, tsawrhaq-euq dawqdeuq hawr-eu mqtav ghaqkhaer-euq dawq bavnya-eu khawf, gaq-eu jeq maqanr nar-aq, ngaq nae ngaeq-euq dawq-aq, boeloe diq-eu tersar hawr-eu caexlaer civ-eu tersar-anr dur-eu taef mae.

Akha

¹ Ngaˇ-aˬ, tsawˇ haˬ zaˬ-euˬ dawˬ deuˬ hawˇ-eu mˬ taˆ gʼaˬ kʼehˇ-euˬ dawˬ-ahˇ keuˆ ni ngehˬ nya jiˇ-eu kʼawꞈ, gʼoeˇ-eu gaˬ-eu jeˬ maˬ ahˇ naˇ, boe loe diˬ-eu teˇ saˇ hawˇ-eu cehˇ lehˇ ciˆ-eu teˇ saˇ loꞈ-ehˇ tehꞈ meh.

1 Gawˇliˬtu 13:1 ပူးပေါင်းရင်းမြစ်များ

Jaceuq 150:5

Caexlaer civ-awr aqyawf-anr jaceuq-awq; Caexlaer yawkhav-aer civ-awr jaceuq-awq!

Maꞈtehˬ 25:45

Khoerngae, sanqpaq, aqyawf maf-anr heulof-aer aerkhofnaeq taef-a, ‘Ngar, nawmaf-anr aqdirma-aer aernaeq nyar, tsawrhaq heudeuq-euq lafkhoer nae nyirdzaeq dzaeq-eu aqgeu ghaq-anr maqkaq, nawmaf maq janrnaeq-euq khoer-aq, ngaq-anr maq janrnaeq-euq gar dur-eu mae.’

Maˬkuˆ 16:17

Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a.

Lormav 14:15

Nawq-euq dzaqdzaq dawrdawr-euq baqda’nae nawq-euq maernmr-anr bi noeqshaq nar-aq, nawr-aq, gaq-eu lafkhoer daefluf-eu maqngeur-a. Nawq-euq dzaqdzaq dawrdawr-euq baqda’nae, Kali nae shirdan-euq nawq-euq maernmr-anr taq lavcawv.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

1 Gawˇliˬtu 12:16

“Ngar, myavnuiv maqngeur-eu mirnae, mawrdo-anr maqtaf” laer naqbawr aernar-aq, aqyawf khoerlof-aer aer-eu mirnae, mawrdo-anr maqtaf-eu la laq?

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

1 Gawˇliˬtu 13:8

Gaq-eu jeq-aq, byov-ir-eu maqbaw-a. Aerkhawf, tiq nan, Miqyaer gharduq ngaeqdan-eu jeq byov-ir-awr, dawqbav bav-eu, naq-ir-eu baw-eu uqtaf, siqnya-eu tsawrganr khawf maqjav-aer pyeuf-ir taef-a.

1 Gawˇliˬtu 14:2

Dawqbav bav-eu tsawrhaq-aq, tsawrhaq-anr ngaeqcawq-eu maqngeur-a. Miqyaer-anr ngaeqcawq-eu mae. Aqjeq mirnae aernar-aq, tsawrhaq tiqghaq-iq aqyawf ngaeq-eu dawq-anr maq ghovshaw nya-a. Aerkhawf, aqyawf, saflar-euq lafkhoer zaftaq-euq deuq ngaeq-eu mae.

1 Gawˇliˬtu 14:4

Dawqbav bav-eu tsawrhaq-aq, yawqhar yawqha taef-aer bihuiq bi manrlar-eu mae. Aerkhawf, Miqyaer gharduq ngaeqdan-eu tsawrhaq-aq, Kalizaq armur-anr bihuiq bi manrlar-eu mae.

1 Gawˇliˬtu 14:5

Ngar, nawmaf yawqghaq navluf-anr dawqbav bi bavnya’mawf mir-a. Aerkhawf, nawmaf, Miqyaer gharduq ngaeqdan-eu gar ngar geufmawfdzaeq nya. Aqjeq mirnae aernar-aq, Kalizaq armur huiqlar manrlarni dawqbav bav-eu dawqtsuif maq yurdov nar-aq, Miqyaer gharduq ngaeqdan-eu ghaq-aq, dawqbav bav-eu ghaq navmaqtser gardanr tsoeqdzaeq-eu mae.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

2 Gawˇliˬtu 12:4

Aqyawf, Baqlaqdirsuv laer kur-eu jawrduq-anr bi ciqdav lef-awr, tsawrhaq tiqghaq-iq maqngaeq maq tmrnya-eu uqtaf, maq ngaeqkhmq-eu dawq yagaq-euq mae.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

Panmaeq 14:2

Khoernar-aq, ngar, ircuf ghawqmya’ni yoer-eu tersar hawr-eu khav duidui-eu mqjeq jeq-eu tersar lof-aer dur-eu tersar, mq-anr nae manrdov lef-eu gar yagaq-euq ma. Khoeruqtaf, ngar deur-mq diq-eu tsawrhaq, aqyawf ha-euq deur-mq cuq diq-eu tersar-anr khawf yagaq-euq ma.