1 Gawˇliˬtu 12:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoermirnae, ngar, nawmaf-anr heulof-aer bi siqnya’mawf mir-a. Tsawrhaq tiqghaq-iq Miqyaer-euq Saflar-anr ghoe-awr nae, Yeqsur-anr yaqkhaer yaq-eu dawq maqngaeq-ar. Khoeruqtaf, Yawshawr Saflar-anr maqghoe nar-aq, Yeqsur-aq, Sanqpaq mae laer tsawrhaq tiqghaq-iq maqaer nya-a.

Akha

³ Miˬyehˇ-euˬ Yaw sahˇ sheuˬ gʼeh-eu uˬ moˆ jawˇ-eu tsawˇ haˬ tiˬ gʼaˬ-iˬ “Yeˬsuˇ-ahˇ yaˬ kʼehˇ yaˬ luꞈ-uˇ” lehˇ maˬ ehˇ-aˇ lehˇ naw maꞈ bi siˬ duˬ mawꞈ miˇ-a. Kʼoeˇ loꞈ-ehˇ duˇ ni, Muiˬ-eu Shawˇ-eu Yaw sahˇ Miˬyehˇ sheuˬ gʼeh-eu uˬ moˆ maˬ jawˇ naˇ, tsawˇ haˬ tiˬ gʼaˬ-iˬ “Yeˬsuˇ-aˬ Sahˬpaˬ meh” lehˇ maˬ ehˇ nya-aˇ.

1 Gawˇliˬtu 12:3 ပူးပေါင်းရင်းမြစ်များ

Jaceuq 109:20

Ngaq-anr yawdoer jeq ngaeq-eu deuq hawr-eu ngaq-anr iqbax taq-eu deuq-anr, Ya’we Miqyaer, mrpoeq lafsawq janrkhofnaeq luf-ur.

Maꞈtehˬ 22:43

Yeqsur, aqyawf maf-anr heulof-aer aerkhof naeq-euq mae, “Tox-aer mar-iq, aqjeq mirnae muiq-eu Saflar, Daqbir-anr sheuqghae ngae, Kali-anr ‘Sanqpaq’ laer kur-awr heulof-aer aer-eu la?

Maˬkuˆ 9:39

Khoerngae, Yeqsur heulof-aer aernaeq-euq mae, “Aqyawf-anr taq lavtsoeq. Aqjeq mirnae aernar-aq, ngaq-euq tsawrmyanr-anr ghoeghoe-aer khavjeq-aer ghae-eu jeq mr-euq aqgeu ghaq maqkaq, ngaq-anr yawkawr-aer maq jadoer-ar.

Yoˇhaˬ 13:13

Nawmaf, ngaq-anr Saqlaq hawr-eu Sanqpaq laer kurluf-eu mae. Nawmaf kur-eu-aq tsaq mae. Aqjeq mirnae aernar-aq, ngar-aq, nawmaf kur-eu lof-aer ngeur-eu ma.

Yoˇhaˬ 13:14

Ngar, nawmaf-euq Sanqpaq, nawmaf-euq Saqlaq pyeuf-eu khawf, nawmaf-euq aqkuir dzuifshawrnaeq nar-aq, nawmaf khawf tiqghaq tirghaq-euq aqkuir-anr dzuifshawr naeq-eu tsaq taef-a.

Yoˇhaˬ 15:26

“Aqda jawr-eu gar nae oe-eu Cawba-eu ghaq-anr ngar, nawmaf jawr-eu gar bi’oe ma. Aqyawf-aq, Aqda-anr nae dovle-awr yawtsaq yawdawr-euq Saflar mae. Aqyawf oekeuv ngae, ngaq-euq garkawv sarkirkamq taef-a.

Gʼaˬkʼehˇ 8:37

Khoerngae, Pirlirpuv aer-eu, “Nawq-euq nuima dawqtawvluf jan nar-aq, bartirsaq hageufnya taef-a.” Khoerngae, aqyuif khoerghaq aer-eu, “Yeqsur Kali-aq, Miqyaer-euq Zaqyo ngar-a laer ngar jan ma.”

Lormav 10:9

Yeqsur-aq, Sanqpaq mae laer nawq-euq khaqmae nae aerdov-awr, Miqyaer, aqyawf-anr shir-euq gar nae bi ghofdaef lar-euq mae laer nawq-euq nuima-euq lafkhoer jan nar-aq, nawr kakhof-eu jeq za taef-a.

Lormav 9:3

Ngaq-euq aqyuif aqnyir pyeuf-awr, shiqshaq taf-eu ngaq-euq tsawrjeuq tsawrca-euq gharduq, ngar yaqkhaer yaq-eu gar daq-awr, Kali-anr yaghawq-ir-eu gar keuv lawnmr khawf, ngar daqmawf-eu nuima anr-eu ma.

1 Gawˇliˬtu 16:22

Aqsur ghaq maqkaq, Sanqpaq Yeqsur Kali-anr maqgaq nar-aq, aqyawf-euq khoertav yaqkhaer yaq-eu jeq keuvle luf-ur. Sanqpaq Yeqsur-or, oe-awq!

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

2 Gawˇliˬtu 11:4

Nga’maf nae dawqmaeq maeq-euq Yeqsur maqngeur-eu, Yeqsur nuighaq-euq garkawv maeqlar-awr, nawmaf nae hageuf-euq Saflar maqngeur-eu, saflar nuijeq-anr hageuf-eu uqtaf, nawmaf nae hageuf-euq guiqlanqdawq maqngeur-eu, guiqlanqdawq nuijeq-anr hageuf-awr nae zawr-aer daqnya-eu nga aerlawq!

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Panmaeq 1:10

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.