1 Gawˇliˬtu 11:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Zaqyo aqli-aq, Miqyaer-euq shaevdzeuf hawr-eu Miqyaer-euq yawshaef khanqsaer pyeuf-eu mirnae, uqboeq boeq-eu maqtsaq-a. Aerkhawf, zaqmiq aqbur-aq, zaqyo aqli-euq yawshaef khanqsaer mae.

Akha

⁷ Kʼaˬ dzeˇ zaˬ-aˬ, uˬ dzahˬ dzahˬ-eu maˬ loˬ-a. Aˬ jeˬ miˇ neh ehˇ naˇ, aˬ yawꞈ-aˬ Miˬyehˇ-euˬ myaˆ pyawˬ naˇ mehˇ pyeuꞈ-eu meh. Ehˇ kʼawꞈ, zaˬ miˬ zaˬ-aˬ kʼaˬ dzeˇ zaˬ-euˬ myaˇ pyawˬ naˇ mehˇ pyeuꞈ-eu meh.

1 Gawˇliˬtu 11:7 ပူးပေါင်းရင်းမြစ်များ

Jaceuq 8:6

Nawr, nawq-euq aqlaf-euq lafzar deuq-anr, aqyawf nae bi uvlanr-awr, Nawr, yawqjeq navluf aqyawf-euq aqkuir-euq uqmov bijav-euq mae.

Dawqdaq 12:4

Bym-awr nya-eu zaqmiqzaq-aq, khaqdzerzaq-euq shuir uqkhov pyeuf-eu mae. Aerkhawf, daqgalar paq-aer ghae-eu jeq mr-eu zaqmiqzaq-aq, Khaqdzerzaq-euq shaqyoeq-euq lafkhoer anr-eu yawbuf-anr dur-eu mae.

1 Gawˇliˬtu 11:3

Aerkhawf, ngar, nawmaf-anr heulof-aer bi siqnya’mawf mir-a. Zaqyo aqli yawqghaq navluf-euq uqduq-aq Kali mae. Zaqmiq aqbur-euq uqduq-aq zaqyo aqli mae. Kali-euq uqduq-aq Miqyaer mae.

1 Gawˇliˬtu 11:6

Zaqmiq aqbur uqboeq maq boeqmawf nar-aq, tsaerkanr taeq-eu tsaq mae. Aerkhawf, tsaerkanr taeq-eu hawr-eu uqjaev jaev-eu, zaqmiq aqbur-euq gharduq-aq, shafdawr-eu jeq pyeuf nar-aq, uqboeq boeq-eu tsaq mae.

2 Gawˇliˬtu 8:23

Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

Yaˬkoˆ 3:9

Aqdui-aq, maeqlar nae aqdui-euq Aqda pyeuf-eu Sanqpaq Miqyaer-anr jaceuq-awr, Miqyaer-euq shaevdzeuf-anr durni baetaq-euq tsawrhaq-anr khawf, maeqlar nae yaqkhaer yaq-eu mae.