1 Gawˇliˬtu 11:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqdui, mirtsaqzaq naeq-aer tiqkawv lof-aer yarkhaq dar-eu gar maqya daqni, Sanqpaq Miqyaer, aqdui-anr yarkhaq dar-eu-aq, aqdui-anr diqdiq-aer maeq-eu jeq pyeuf-eu mae.

Akha

³² Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

1 Gawˇliˬtu 11:32 ပူးပေါင်းရင်းမြစ်များ

Jaceuq 118:18

Ya’we Miqyaer, ngaq-anr yawkhav-aer diqdiq-aer maeqpar naeqlaf-euq mae. Aerkhawf, aqyawf, ngaq-anr shir-eu gar maqbi keuv naeqlaf-aq.

Lormav 3:19

Zanrdawq-euq lafkhoer khar boftaq-euq dawqdeuq-aq, zanrdawq-euq lafov jawr-eu tsawrhaq-anr aernaeq-eu mae laer aqdui siqnya-eu ma. Khoer-aq, tiqghaq-iq daeqlaefkhar maqbi za-aer, mirtsaqzaq dawqtawvluf Miqyaer-euq maeqshi yawlaeq ngar-a laer bi dovlar-eu gharduq mae.

Lormav 5:16

Khoeruqtaf, tsawrhaq tiq ghaq iqbax mr-euq mirnae pyeuflar-eu jeq khawf, yawqngaef-aer bif-eu lafsawq-anr maqdur-a. Aqjeq mirnae aernar-aq, tiq pov mrbanq-euq taef khawf, yawlaeq ngar-a laer yarkhaq darnaeq-eu gar yadaq-eu mae. Aerkhawf, ghawqmya’ni mrbanq-euq baqda’nae, yawqngaef-aer bif-euq lafsawq-aq, tsaq-awr dawr-eu jeq bi dovlar-eu mae.

1 Gawˇliˬtu 1:20

Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

1 Gawˇliˬtu 11:30

Khoermirnae, nawmaf-euq lafkhoer ghawqmya ghaq, ghaq maqanr-aer narluf-eu uqtaf, heumyav ghaq shir-euq mae.

1 Gawˇliˬtu 11:31

Aqdui, yawqhar yawqha jeqhu tsermr nar-aq, yarkhaq dar-eu gar maqya daq-ar.

1 Gawˇliˬtu 11:33

Khoermirnae, ngaq-euq aqyuif aqnyir deuq-or! Nawmaf dzaq-awr dawr-eu laer uiqler ngae, tiqghaq tirghaq dawq-awq.

1 Tiˆmoˇseˬ 1:20

Tsawrhaq khoerdeuq-euq lafkhoer, Huqmiqnaer hawr-eu Aqleqsaqdur khawf keuq-eu mae. Miqyaer-anr yaeqbawq saerlu-aer maqya aer-a laer aqyawfnyaf dzawgeufni, ngar, aqyawf nyaf-anr naef Saqdaq-euq aqlaf-euq lafkhoer a’naeq-euq ma.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.