1 Gawˇliˬtu 10:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nawmaf, Yurdav tsawrhaq hawr-eu Heqlaqsar tsawrhaq-anr maqaer, Miqyaer-euq Kalizaq armur-anr maqaer, coeqler deuqler paq-aer taqmr.

Akha

³² Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Gawˇliˬtu 10:32 ပူးပေါင်းရင်းမြစ်များ

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Lormav 14:13

Khoermirnae, aqkar nar-aq, aqdui tiqghaq tirghaq yarkhaq maqpar dar-aer, aqdui-euq maernmr sanqtif bitif-awr, bicoq-ir paq-aer maqpar janr-eu ma laer noeqtsaev kar-eur.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

1 Gawˇliˬtu 10:33

Ngar kharmr-eu yawqjeq navluf-euq lafkhoer, tsawrhaq dawqtawvluf nuikhanr shirni mr-eu lof-aer, aqyawfmaf kakhof-eu jeq za’ni, ngar, yawqha-anr muiqlar-eu jeq maqpov-aer, tsawrhaq ghawqmya ni-anr muiqni povluf-eu ma.

1 Gawˇliˬtu 11:22

Nawmaf dzaq-awr dawr-eu gharduq, nymr maqjav-eu le lor? Maqngeur nar-aq, Miqyaer-euq Kalizaq armur-anr yaeqbawq-aer janr-awr, dzaqdzaq dawrdawr maqjav-eu deuq bi shafdawr-ir-eu laer janr-eu le laq? Ngar, nawmaf-anr aqjox-aer aernaeq-eu tsaq-eu la? Nawmaf khoerlof-aer janr-eu khawf, ngar, nawmaf-anr ya jaceuq taef-a lor? Ngar, nawmaf-anr maq jaceuq.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

1 Gawˇliˬtu 7:17

Sanqpaq Miqyaer nae tiqghaq sair tiqghaq-anr birnaeq taq-euq lof-aer daef-awr, Miqyaer nae tiqghaq sair tiqghaq-anr kur ngae, kharpyeuf-eu lof-aer daefghae-awq. Ngar, Kalizaq armur yawqmur navluf-anr khoerlof-aer khaerluf-eu ma.

1 Gawˇliˬtu 8:13

Khoermirnae, dzaqdzaq dawrdawr-euq baqda’nae, ngar, ngaq-euq aqyuif aqnyir-anr sanqtif bitif-ir nar-aq, ngaq-euq aqyuif aqnyir sanqtif maqya tifni, aqkar nar-aq, ngar shaqjir tiqjawr-iq maqpar dzaq ma.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

2 Gawˇliˬtu 6:3

Nga’maf guiqlanq-euq gar mr ngae, aqcawq dawqdoer maqbi ngaeqlar nya’ni, sanqtiftif paq-aer ghae-eu jeq tiqjeq-iq maqmr-aq.

Gaˬlaˬtiˆ 1:13

Ngar, Yurdav tsawrhaq-euq zanr tawqluf ngae, aqjox-aer daefyaf-awr, Miqyaer-euq Kalizaq armur deuq-anr yawkhav-aer khaeqnaeq-awr, aqjox-aer lavcawv-eu paq nga laer laejae-euq garkawv, nawmaf gaqhaw-euq mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

1 Teˇsaˬloˇni 2:14

Aqyuif aqnyir deuq-or! Yurdav mirkhanq-anr Yeqsur Kali-euq lafkhoer jawr-eu Miqyaer-euq Kalizaq armur deuq-aq, nawmaf-anr hawgeuf dzawgeuf-euq mae. Aqyawfmaf, Yurdav tsawrhaq khaeq-awr khav-eu gar yadaq-euq lof-aer, nawmaf khawf nawmaf-euq tsawrhaq nae khaeq-awr khav-euq gar yadaq-euq mae.

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

1 Tiˆmoˇseˬ 3:5

Yawqha-euq nymrjir-anr maq uvlanr nya-eu tsawrhaq-aq, Miqyaer-euq Kalizaq armur-anr aqjox-aer bosav nya-eu?