1 Gawˇliˬtu 10:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, yawqjeq navluf-aer bihuiq bi manrlar-eu maqngeur-a.

Akha

²³ “Yawˬ jeˬ na luꞈ mˇ kʼmˬ meh.” Ehˇkʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Yawˬ jeˬ na luꞈ mˇ kʼmˬ meh.” Ehˇ kʼawꞈ, yawˬ jeˬ na luꞈ guiˬ lahˬ baw-eu maˬ ngeuˇ-a.

1 Gawˇliˬtu 10:23 ပူးပေါင်းရင်းမြစ်များ

Lormav 14:15

Nawq-euq dzaqdzaq dawrdawr-euq baqda’nae nawq-euq maernmr-anr bi noeqshaq nar-aq, nawr-aq, gaq-eu lafkhoer daefluf-eu maqngeur-a. Nawq-euq dzaqdzaq dawrdawr-euq baqda’nae, Kali nae shirdan-euq nawq-euq maernmr-anr taq lavcawv.

1 Gawˇliˬtu 14:12

Khoerlof-aer durni, nawmaf khawf saflar paw-euq lafsawq za’mawf-awr, nuima keuv-awr sharpovluf ngae, Kalizaq armur-anr bihuiq bi manrlar nya-eu lafsawq deuq-anr yawmuiq-aer zmqnya larni laejae-awq.

1 Gawˇliˬtu 14:17

Nawq nae Miqyaer-anr jaceuq-euq dawq yawmuiq law-awr khawf, aqcawq-anr maqbi huiq maqbi manrlar nya-a.

1 Gawˇliˬtu 14:26

Tox-aer mar-iq, aqyuif aqnyir deuq-or! Aqjox-aer janr-eu tsaq la? Nawmaf uiqler ngae, yawqghaq navluf tiqghaq tiqjeq-aer car-awr jaceuq-eu, maeqnaeq tsovnaeq-eu, dawqbav bav-eu, panmaeq naeq-eu, dawqtsuif yurdov-eu, heudeuq mr-eu mae. Yawqjeq navluf aqcawq huiqlar manrlarni mr-awq.

1 Gawˇliˬtu 6:12

Ngar yawqjeq navluf mrkhmq ma. Aerkhawf, yawqjeq navluf-aer gardanr tsoeq-eu maqngeur-a. Ngar yawqjeq navluf mrkhmq ma. Aerkhawf, ngar, aqgeu jeq-euq baoq-euq uqmov maqkaq maqjawr.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

1 Gawˇliˬtu 8:9

Aerkhawf, nawmaf mrkhmq mae laer mr-eu baqda’nae, ghaq baq-eu tsawrhaq-euq gharduq sanqtif tifduq maqya pyeuf-ir ni yanr-awq.

2 Gawˇliˬtu 12:19

Nawmaf nymq-mr keuvni, nga’maf, yawqha-euq garkawv jashaw-eu laer ja-eu nga laer taef-aer noeq-eu le siq laq? Nga’maf-aq, Miqyaer-euq maeqshi Kali-euq lafkhoer ngaeqluf-eu ma. Ngar zawr gaq-eu cawqdeuq-or! Heudeuq dawqtawvluf nawmaf bihuiq bi manrlar-eu laer mrluf-eu ma.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

1 Teˇsaˬloˇni 5:11

Khoermirnae, nymq-mr nawmaf tiqghaq tirghaq nuima sarlarni mr-awr, huiqlar manrlarni cawba luf-eu lof-aer, maeqhu paw khawf mrghae-awq.

1 Tiˆmoˇseˬ 1:4

Khoeruqtaf, dawqmawq dawqoer ja-eu hawr-eu arsaq saq-eu maqbaw-eu tsuif gui-eu gar taq narhaq’ laer aqyawf maf-anr dawq bibif-eu laer khawf ngeur ma.” Garkawv khoerdeuq-aq, jan-eu lafkhoer Miqyaer-euq gar mr-eu gar maq cawba-eu uqtaf, tsawrpyaer pyaer-eu jeq taef-aer bi dovlar-eu mae.