1 Gawˇliˬtu 10:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqdui, Miqyaer-anr jaceuq-eu guiqlanq-euq khmqmaq heu-aq, aqdui, Kali-euq shiq-anr tafluf-eu ma laer aermawf-eu maqngeur-a lor? Aqdui ngawqpyaeq-eu kaqmur-aq, aqdui, Kali-euq mawrdo-anr gawfluf-eu ma laer aermawf-eu maqngeur-a laq?

Akha

¹⁶ Aˬ dui Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ ngeh, Miˬyehˇ-euˬ guiˬ lahˬ-ahˇ ja ceuˬ-awˇ dawˇ-eu kʼmˬ maˬ-ahˇ taꞈ leˇ-awˇ ngaˇ heu loꞈ-ehˇ ehˇ-eu ma. Kʼmˬ maˬ kʼoeˇ ciˬ dawˇ ngeh, Ka li-euˬ shiˬ-ahˇ aˬ dui taꞈ leˇ-eu jeˬ pyeuꞈ-eu meh. Kaˬ muˇ ngawˬ pyehˬ-awˇ dzaˬ ngeh, Ka liˬ-euˬ gʼawˇ mawˇ-ahˇ aˬ dui taꞈ leˇ-eu jeˬ pyeuꞈ-eu meh.

1 Gawˇliˬtu 10:16 ပူးပေါင်းရင်းမြစ်များ

Luˇkaꞈ 22:17

Khoernar-aq, Yeqsur khmqmaq ciq-awr jaceuq-awr nae heulof-aer aer-eu mae, “Khmqmaq heu ciq-awr, tiq ghaq uicuiv uicuiv-aer dawr-awq.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 20:11

Khoernar-aq, par davler-awr, kaqmur ngawqpyaeq-awr dzaq-euq mae. Aqyawfmaf naeq-aer ghawqmyanrni jasawx-awr, uqbya byalar-awr nae taef-aer dov-ir-euq mae.

Gʼaˬkʼehˇ 20:7

Tiqjaw-euq lafkhoer yawbae ngae nan, nga’maf kaqmur ngawqpyaeq-eu laer uiqler-euq ma. Pawrluv nishawq ngae nan dov-ir-eu laer ghae-eu mirnae, saerghanr caelar ngae keuvni dawqmaeq maeq-euq mae.

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

1 Gawˇliˬtu 10:15

Ngar, nawmaf-anr tsawrganr anr-eu tsawrhaq mae laer sawx-awr heulof-aer aer-eu ma. Ngar aer-eu tsaq-eu nga laq, maqtsaq-eu nga laq laer, nawmaf yawqha yawqha dartsaev-awq.

1 Gawˇliˬtu 12:13

Yurdav tsawrhaq hawr-eu Heqlaqsar tsawrhaq maqaer, zaqkhav hawr-eu buq-ir-euq tsawrhaq maqaer, aqdui dawqtawvluf mawrdo tiq do taef-aer pyeuflarni, muiq-eu Saflar tiq ghaq-euq lafkhoer taef-aer bartirsaq hageuf-awr, muiq-eu Saflar tiq ghaq-anr taef-aer dawrluf-eu ma.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.