1 Gawˇliˬtu 10:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.

Akha

¹³ Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

1 Gawˇliˬtu 10:13 ပူးပေါင်းရင်းမြစ်များ

Jaceuq 124:7

Aqdui-euq nuima saflar-aq, Arjir tanr-eu saeqtov-anr nae dzeur-ir-euq arjir tiq mawr-anr dur-eu ma. Saeqtov khaef-ir-euq mirnae, aqdui yadzeur-ir-euq ma.

Jaceuq 125:3

Tsaq-awr dawr-eu tsawrhaq deuq-euq mirkhanq-anr, Tsawrcawv-euq shmr gawqyoeq maqya naq-ar. Maqngeur nar-aq, tsaq-awr dawr-eu tsawrhaq deuq, Aqyawf maf-euq aqlaf cawqdov-awr yawlaeq yawca jeq mr taef-a.

Jaceuq 36:5

Ya’we Miqyaer-or! Nawq-euq ghawqshaq gaq-eu jeq-aq, mq-euq khoertav jav-awr; Nawq-euq sarjax zif-eu jeq-aq, mqdmr-anr tuv-eu mae.

Jaceuq 89:33

Aerkhawf, ngar, Daqbir-anr ghoer-awr gaq-eu maqbi byovtsaev-ir; Aqyawf-anr sarjax maqzif-aer maqghae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Luˇkaꞈ 11:4

Nga’maf-euq iqbax-anr pyaeqnaeqlaf. Aqjeq mirnae aernar-aq, nga’maf khawf nga’maf-anr mrbanq-euq dzirdzov dav-eu yawqghaq navluf-anr pyaeqnaeq-euq ma. Iqbax murjur jur-eu maeqnan nga’maf-anr taqbi ir naeqlaf. Yawdoer ghaq-anr nae nga’maf-anr bibuq-ir naeqlaf.”

Luˇkaꞈ 16:26

Khoeruqtaf, nga’maf hawr-eu nawmaf-euq yawkaq-anr kuqkaq kaqma bi javtaq-awr, aqsur ghaq maqkaq, nga’maf jawr-eu gar nae nawmaf jawr-eu gar oemawf khawf maq oetawf nya-aer, nawmaf jawr-eu gar nae nga’maf jawr-eu gar maq lartsaev nya-a.’

Luˇkaꞈ 22:46

Khoerngae, aqyawf maf-anr aernaeq-eu, “Nawmaf aqjeq mirnae yufkhav luf-eu le? Murjur jurlar-eu gar maqya tawvlerni, tur-awr guiqlanq shar-awq.”

Gʼaˬkʼehˇ 27:44

nuideuq-aq, terbyaf-anr nae maqngeur nar-aq, lawq-euq lafkhoer jav-eu keuka-anr nae lawrdzer irdov ghae-euq mae. Khoermirnae, yawqghaq navluf buq-ir-awr lawrdzer tsaevdov jir-euq ma.

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

1 Teˇsaˬloˇni 5:24

Nawmaf-anr kur-euq ghaq sarjax zif-eu mae. Aqyawf khoerlof-aer mr taef-a.

2 Teˇsaˬloˇni 3:3

Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.

2 Tiˆmoˇseˬ 4:18

Sanqpaq Yeqsur, ngaq-anr yawdoer yawqjeq navluf-anr nae bibuq-ir naeqlaf-awr, ngar, aqyawf-euq mqtav mirkhanq-anr ya urler ngae keuvni, ngaq-anr sheuqkeuv naeqlaf taef-a. Li-eu maqbawni yawshaef khanqsaer dawqtawvluf, aqyawf-anr damqnaeq kar-eur. Aqmeq.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

HeˬByehˇ 11:11

Saqlar, zaq jawrle-eu aryamq dzeur-euq khawf jan-eu mirnae, aryoeq pyeuf-eu zaq tsaevler nya’ni ghaq za-awr, zaq tiq ghaq ciq-euq mae. Aqjeq mirnae aernar-aq, aqyawf-anr sarjax dzaq-euq ghaq-aq, sarjax zif-eu mae laer aqyawf noeqjir-euq mae.

HeˬByehˇ 12:4

Nawmaf, iqbax naeq-aer deuvcae caecae-aer shaqluf-eu khawf, shiq dov-eu tiv-anr maq keuvler-aq siq.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.

2 Beˬtuˆluˆ 2:9

Miqyaer-anr yawzeu baw-eu tsawrhaq murjur jur-eu gar yadaq ngae, aqyawf maf-anr aqjox-aer bibuq-ir-eu hawr-eu, maqtsaq maqdawr-eu tsawrhaq deuq-anr yarkhaqdar ngae nan keuvni, aqjox-aer ya kaflanr taq-eu la laer Sanqpaq Miqyaer siqnya luf-eu mae.

1 Yoˇhaˬ 1:9

Aqdui yawqha-euq iqbax yawqha aerdov nar-aq, Miqyaer-aq, sarjax zif-awr dawr-awr tsaq-eu lafkhoer, aqdui-euq iqbax pyaeqnaeq laf-awr, aqdui-euq maqtsaq maqdawr-eu dawqtawv luf-anr tsiqshawr naeqlaf-eu mae.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.