1 Gawˇliˬtu 10:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf maf-anr pyeuflar-euq garkawv heudeuq dawqtawvluf hawgeufduq pyeufni, arsaq saq-eu arnan aryamq-euq lafkhoer jawr-eu aqdui yanrnya larni boftaq-euq mae.

Akha

¹¹ Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

1 Gawˇliˬtu 10:11 ပူးပေါင်းရင်းမြစ်များ

Jaceuq 102:18

Maeqhu paw daefle-eu laer ghae-eu tsawrhaq deuq, Ya’we Miqyaer-anr jaceuq nya’ni, Heudeuq aqkar nanqzir-euq gharduq bofanr taq-awq.

Maꞈtehˬ 13:39

Aqyawf-anr muir-awr shmrma saeq-euq ghaq-aq, naef sanqpaq mae. Caer yaeq-eu aryamq-aq, mirtsaq heu arsaqsaq ngae nan-anr aer-eu mae. Caer yaeq-eu deuq-aq, mqtav ghaqkhaer mae.

Maꞈtehˬ 13:40

“Shmrma-anr dzanq-awr, miqdzaq nae keuqdzae-eu lof-aer, mirtsaq heu arsaqsaq ngae nan khoerlof-aer pyeuflar taef-a.

Lormav 13:11

Heu uqtaf, nymq-mr-aq, uqnoeq noeqlar-eu yamq tsaqlar-euq ngar-a laer nawmaf siqnya-eu mae. Aqjeq mirnae aernar-aq, aqdui janbae baelar ngae navmaqtser, nymq-mr-aq, aqdui-anr buq-ir-eu jeq paedzaeq le-euq mae.

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

Lormav 4:23

Aqyawf-anr tsaq-awr dawr-eu tsawrhaq laer sawxnaeq-euq mae laer aer-eu dawq heudawq-aq, aqyawf-euq gharduq taef-aer boftaq-euq maqngeur-a.

1 Gawˇliˬtu 10:6

Aqyawfmaf yawdoer jeq-anr maerjuir juir-euq lof-aer, aqdui khawf maqya juirni, garkawv heudeuq-aq, aqdui hawgeufduq pyeuf-eu mae.

1 Gawˇliˬtu 7:29

Aqyuif aqnyir deuq-or! Ngar, nawmaf-anr heulof-aer aernaeqmawf mir-a. Ghawqmyanrni maqpar ca-eu mae. Nymq-mr nae nar-aq, miqzaq baw-eu tsawrhaq, miqzaq maqbaw-eu lof-aer daef-awq.

1 Gawˇliˬtu 9:10

Heu dawqtawvluf aqdui-euq gharduq sharnoeq-awr aer-eu maqngeur-a laq? Ngeur mae, aqdui-euq gharduq aertaq-euq mae. Aqjeq mirnae aernar-aq, daeyar tsaeq-eu tsawrhaq noeqtmq-awr tsaeq-eu tsaq mae. Caer diq-eu tsawrhaq khawf caer za’ni noeqtmq-awr diq-eu tsaq mae.

Gaˬlaˬtiˆ 4:24

Garkawv heu-aq, dawqtsuif naf-eu dawq-euq arbar mae: Zaqmiq aqbur heu nyiq ghaq-aq, dawqma sarjax nyiq jeq mae. Tiq ghaq-aq, Sirnav gawqjawq-anr taf-eu Haqgaqlar mae. Aqyawf, zaq baw-euq-aq, zaqkhav bigeuf-eu laer baw-euq mae.

Piˇliˇpiˆ 4:5

Nawmaf nuima nanqyuni ghae-eu gar tsawrhaq dawqtawvluf siqnya’ni daef-awq. Sanqpaq Miqyaer dawqpae jawrluf-eu mae.

HeˬByehˇ 10:25

Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

HeˬByehˇ 10:37

Aqjeq mirnae aernar-aq, aqyawf aer-eu, “Tiqkhaeq ghae nar-aq, oe-eu laer ghae-eu ghaq maq nyinaqni oekeuv taef-a.

1 Yoˇhaˬ 2:18

Ngar gaq-eu zaqdeuq-or! Nymq-mr-aq, arsaq saq-eu aryamq mae. Kali-anr muir-eu ghaq dovle taef-a laer nawmaf nae yagaq-euq lof-aer, nymq-mr nae Kali-anr muir-eu ghawqmya ghaq dovlar-euq mae. Khoermirnae, nymq-mr-aq, arsaq saq-eu aryamq nga laer aqdui siqnya ma.