1 Gawˇliˬtu 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

Akha

⁹ Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

1 Gawˇliˬtu 1:9 ပူးပေါင်းရင်းမြစ်များ

Jaceuq 100:5

Ya’we Miqyaer-aq, yawmuiq mae. Aqyawf-euq ghawqshaq gaq-eu jeq, mqmaq maqbyav yarzir gmq-awr; Aqyawf-euq yawtsaq yawdawr-aq, li-eu maqbawni tiqzir sair tiqzir zif-eu mae.

Maꞈtehˬ 24:35

Mqmir byov-ir taef-a. Aerkhawf, ngaq-euq dawq tiqjawr-iq maqbyov-ir-ar.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Lormav 11:17

Tsawrhaqzaq nae kataq-euq saqloq uqpyaq tiqdeuq nav-anr deuvdzae-awr, bawrtsanq-euq saqloq uqpyaq pyeuf-eu nawmaf-anr tsafnaeq laf-awr, uqpyaq nuideuq naeq-aer tiqkawv lof-aer saqloq-euq duqcir-euq ardziq-anr shuvluf-eu ngeur nar-aq,

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

Lormav 9:24

Oeqlanq khoer-aq, Miqyaer nae kur-euq aqduimaf ma. Yurdav tsawrhaq-euq lafkhoer taef-aer maqngeur-aer, aqcawq tsawrjeuq tsawrca-anr khawf kurdov naeqlaf-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 10:13

Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.

1 Gawˇliˬtu 10:16

Aqdui, Miqyaer-anr jaceuq-eu guiqlanq-euq khmqmaq heu-aq, aqdui, Kali-euq shiq-anr tafluf-eu ma laer aermawf-eu maqngeur-a lor? Aqdui ngawqpyaeq-eu kaqmur-aq, aqdui, Kali-euq mawrdo-anr gawfluf-eu ma laer aermawf-eu maqngeur-a laq?

2 Gawˇliˬtu 1:18

Miqyaer sarjax zif-eu lof-aer, ngaq nae nawmaf-anr aernaeq-euq dawqdeuq-aq, ngeur-eu jeq khawf maqngeur-eu jeq khawf, keuqkeuq soso-aer aer-eu maqngeur.

Gaˬlaˬtiˆ 1:15

Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

1 Teˇsaˬloˇni 2:12

Miqyaer uvlanr-eu lafkhoer hawr-eu aqyawf-euq yawshaef khanqsaer-euq lafkhoer urlarni, nawmaf-anr kur-euq Miqyaer-anr geuxni yawdaef daef-awq laer nga’maf, nawmaf-anr dawq bif-euq ma.

2 Teˇsaˬloˇni 2:14

Nawmaf, aqdui-euq Sanqpaq Yeqsur Kali-euq yawshaef khanqsaer za’ni, Miqyaer, nga’maf nae maeq-euq guiqlanq dawq-anr ghoe-awr, nawmaf-anr kur-euq mae.

2 Teˇsaˬloˇni 3:3

Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

2 Tiˆmoˇseˬ 2:13

Aqdui sarjax maqzif khawf, aqyawf-aq, sarjax zif-eu mae. Aqjeq mirnae aernar-aq, aqyawf-euq sarjax-anr aqyawf maq byaerdzae-ar.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

HeˬByehˇ 11:11

Saqlar, zaq jawrle-eu aryamq dzeur-euq khawf jan-eu mirnae, aryoeq pyeuf-eu zaq tsaevler nya’ni ghaq za-awr, zaq tiq ghaq ciq-euq mae. Aqjeq mirnae aernar-aq, aqyawf-anr sarjax dzaq-euq ghaq-aq, sarjax zif-eu mae laer aqyawf noeqjir-euq mae.

HeˬByehˇ 2:17

Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

1 Yoˇhaˬ 4:13

Miqyaer, aqdui-anr aqyawf-euq Saflar-anr taf-eu jeq bifnaeq laf-euq mirnae, aqdui, Miqyaer-euq lafkhoer jawr-awr, Miqyaer khawf aqdui-euq lafkhoer jawr mae laer aqdui siqnya-eu ma.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.