1 Gawˇliˬtu 1:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

Akha

⁸ Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

1 Gawˇliˬtu 1:8 ပူးပေါင်းရင်းမြစ်များ

Jaceuq 37:17

Aqjeq mirnae aernar-aq, tsawrcawv-euq lafdu yakhaef-ir taef-a. Aerkhawf, Ya’we Miqyaer, tsaq-awr dawr-eu tsawrhaq-anr gheuturnaeq taef-a.

Jaceuq 37:28

Ya’we Miqyaer dawr-awr tsaq-eu jeq-anr gaq-eu mirnae, Aqyawf-euq tsawrshawr deuq-anr maq byaerdzae-a; Aqyawf, aqyawf maf-anr mqmaq maqbyav yarzir hawpirnaeq taef-a. Aerkhawf, tsawrcawv-euq aryoeq deuq-aq, yabi deuvtsaevdzae taef-a.

Luˇkaꞈ 17:24

Aqjeq mirnae aernar-aq, mq tiqpawdzer mqmyawf myawf-eu yawqdzer yawq-anr byakeuv-ir-eu lof-aer, Tsawrhaq-euq Zaqyo-aq, aqyawf-euq arnan keuvle ngae khoerlof-aer ghae taef-a.

Luˇkaꞈ 17:30

Tsawrhaq-euq Zaqyo-anr bi dovle ngae nan khawf, khoerlof-aer dur taef-a.

Lormav 14:4

Aqcawq-euq kuirlaf zaqkhav-anr yarkhaqdar paq-aer nawr aqsur ghaq le? Aqyawf yawfzif nya-eu hawr-eu coq-ir-eu khoer-aq, aqyawf-euq yawsanr ghaq navni jav-eu mae. Aqyawf yawfzifnya taef-a. Aqjeq mirnae aernar-aq, aqyawf yawfnya’ni Sanqpaq Miqyaer janrnya-eu mae.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

Lormav 8:19

Khar baetaq-euq jeq, Miqyaer-euq zaqdeuq dovle-eu gar mawrmawf-awr, noeqtmq duidui-eu lafkhoer lofluf-eu mae.

1 Gawˇliˬtu 3:13

yawqghaq navluf, yawqha nae mrtaq-euq lof-aer dovlar taef-a. Aqjeq mirnae aernar-aq, khoerngae nan aqgeu ghaq aqjeq zmq-awr tsov-euq nga laer byacaevni dovlar taef-a. Tsawrhaq yawqghaq navluf nae mr-awr shar-euq jeq-anr miqdzaq nae panmaeq naeqlaf taef-a.

1 Gawˇliˬtu 5:5

khoerlof-aer mrluf-eu tsawrhaq shiqshaq paw cawv-ir ni, naef Saqdaq-euq aqlaf-euq lafkhoer a’naeq-awq. Khoerlof-aer janr-euq nar-aq, Sanqpaq Yeqsur-euq arnan-anr, Miqyaer, aqyawf-euq saflar-anr bibuq-ir taef-a.

2 Gawˇliˬtu 1:13

Nymq-mr nga’maf, nawmaf guinya-awr ghovshaw nya-eu jeq taef-aer nawmaf-anr bofanr lef-euq ma. Nawmaf arsaqsaq gar keuvni ghovshawnya taef-a laer ngar noeqtmq luf-eu ma.

2 Gawˇliˬtu 1:14

Nawmaf, nga’maf-anr uicuiv siqnya-eu mae. Khoermirnae, aqdui-euq Sanqpaq Yeqsur-euq arnan ngae nan, nawmaf-euq baqda’nae nga’maf khanqsaer jaevnya-eu lof-aer, nawmaf khawf nga’maf-euq baqda’nae khanqsaer jaevnya taef-a.

2 Gawˇliˬtu 1:21

Kali-euq lafkhoer nga’maf hawr-eu nawmaf-anr bizif naeqlaf-awr, tsaqtsov naeqlaf-euq ghaq-aq Miqyaer mae.

Eˇpeˇsu 5:27

Khoer-aq, marbyawf maqbaw-aer, aerkhar maqza-eu uqtaf, shawrjaevni ghae-awr, yawshaef khanqsaer byan-eu Kalizaq armur bi pyeuflar-awr, aqyawf-anr bi a’naeq-eu gharduq mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Gawˇlawˇsehˇ 1:22

Khoer-aq, nawmaf, Miqyaer-euq maeqshi, aerkhar maqza-aer iqbax taqkhar maqza-eu uqtaf, shawr-eu tsawrhaq lof-aer bi jawrlerni, shiqshaq baw-eu Kali-euq mawrdo shirdan-euq gar ghoe-awr janr-euq mae.

Gawˇlawˇsehˇ 2:7

Nawmaf, aqyawf-euq lafkhoer duqcir ka’naf ghae-awr, tsovgordav lef-awq. Guiqlanq-anr jaceuq-eu jeq byankhar luf-eu lafkhoer, nawmaf nae yadzaw-euq lof-aer, jan-eu jeq-euq lafkhoer zifdanni jawr-awq.

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

1 Teˇsaˬloˇni 5:2

Aqjeq mirnae aernar-aq, uqcif paw smrkhoeq khoeqlar-eu lof-aer, Sanqpaq Miqyaer-euq arnan keuvle taef-a laer nawmaf yawmuiq-aer siqnya-eu mae.

2 Teˇsaˬloˇni 2:2

Aqcawq, Kali-euq arnan keuvle-euq mae laer ja’naeq lar-eu khawf, saflar-euq lafkhoer yasiq-euq le laer ja’naeq lar-eu khawf, nga’maf sanqbof khoerlof-aer bofnaeq laf-euq mae laer aernaeq laf-eu law-awr khawf, nuima-euq lafkhoer taq noeqshaq, taq tsawqguv-ir.

2 Teˇsaˬloˇni 3:3

Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Tiˆmoˇseˬ 1:18

Arnan khoernan keuvle ngae, aqyawf, Sanqpaq Yeqsur-euq ghawqshaq gaq-eu jeq za’ni, Sanqpaq Yeqsur, aqyawf-anr ghawqshaq gaqnaeq luf-ur. Ngar, Erpersu-anr jawr ngae, aqyawf, ngaq-euq gharduq kuirlaf zaqkhav arnavni geufnaeq-euq gar nawr yawmuiq-aer siqnya-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

2 Beˬtuˆluˆ 3:10

Aerkhawf, Sanqpaq Miqyaer-euq arnan-aq, uqcif paw smrkhoeq khoeqlar-eu lof-aer keuvle taef-a. Khoerngae nan, mq tersar yawkhav-aer manrmanr-aer byov-ir-awr, lanr duidui-eu mirnae, yawqjeq navluf-anr guirbyovjir taef-a. Mirtsaq hawr-eu mirtsaq-euq khoertav kharjawr kharjav-eu jeq khawf puivdzaejir taef-a.

2 Beˬtuˆluˆ 3:14

Khoermirnae, ngar zawr gaq-eu cawqdeuq-or! Nawmaf khoerdeuq-anr noeqtmq-awr dawq-awq. Aqyawf-euq maeqshi, nawmaf nuisar of-eu lafkhoer, marbyawf maqbaw-aer aerkhar maqza nga laer aqyawf mawrni laejae-awq.