1 Gawˇliˬtu 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoermirnae, aqdui-euq Sanqpaq Yeqsur Kali ghofle-eu gar nuima keuv-awr dawqluf ngae, nawmaf-euq lafkhoer lafsawq tiqjeq-iq maqteq-a.

Akha

⁷ Kʼoeˇ miˇ neh, Sahˬpaˬ Yeˬsuˇ Ka li gʼoꞈ le gaˇ naw maꞈ loꞈ luꞈ-eu laꞈ kʼoeˇ, guiˬ lahˬ tiˬ hmˬ-iˬ maˬ bi ga ka-iˇ ni naw maꞈ ciˬ kʼmˇ taˬ-euˬ meh.

1 Gawˇliˬtu 1:7 ပူးပေါင်းရင်းမြစ်များ

Maꞈtehˬ 25:1

“Khoermirnae, mqtav mirkhanq-aq heulof-aer dur taef-a. Yawqha-euq tsirkhmq ciq-awr, yoshuif-anr halaq ler-eu miqdaf dafshawr tser ghaq-anr dur taef-a.

Luˇkaꞈ 12:36

Yawqha-euq yawsanr ghaq oermr bar-eu gar ir-euq ghoflar-awr, larghov-anr khov ngae, yawkawr-aer pannaeq-ir nya’ni lofluf-eu tsawrhaq lof-aer yawdaef daef-awq.

Luˇkaꞈ 17:30

Tsawrhaq-euq Zaqyo-anr bi dovle ngae nan khawf, khoerlof-aer dur taef-a.

Lormav 8:19

Khar baetaq-euq jeq, Miqyaer-euq zaqdeuq dovle-eu gar mawrmawf-awr, noeqtmq duidui-eu lafkhoer lofluf-eu mae.

Lormav 8:23

Khar baetaq-euq deuq taef-aer maqngeur-aer, muiq-eu Saflar-euq arsiq siqbae baele-euq aqdui khawf, aqdir aqyawf-euq zaq pyeuflar-awr, aqdui-euq mawrdo heu kakhof-eu jeq za-eu gar nuima keuv-awr lofluf ngae, yawqha-euq nuima-euq lafkhoer yawqha manrluf-eu ma.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

2 Gawˇliˬtu 12:13

Ngar, nawmaf-euq gharduq khavbaev maqpyeuf-euq khoer maqngeur nar-aq, Kalizaq armur nuideuq taf-aer taqteq-euq aqgeu jeq jav-eu la? Ngaq-euq yawlaeq heu-anr nawmaf iqbax pyaeqnaeq laf-awq!

Gaˬlaˬtiˆ 5:5

Jan-eu baqda’nae aqdui, muiq-eu Saflar-anr ghoeghoe-aer, noeqtmq luf-eu tsaq-awr dawr-eu jeq-anr nuima keuv-eu lafkhoer dawqluf-eu ma.

Piˇliˇpiˆ 3:20

Aerkhawf, aqdui-aq, mqtav-euq mirkhanqzaq pyeuf-awr, Kakhof-eu ghaq Sanqpaq Yeqsur Kali-anr nuima keuv duidui-eu lafkhoer dawqluf-eu ma.

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

2 Teˇsaˬloˇni 1:7

nuima maqsar-aer ya daqluf-eu nawmaf-anr nga’maf naeq-aer ghaqnaq binaq-eu tsaq mae laer Miqyaer noeqtaq-euq mae. Khoerngae, miqdzaq miqlmr-euq lafkhoer Sanqpaq Yeqsur hawr-eu baoq huiq-eu aqyawf-euq mqtav ghaqkhaer deuq naeq-aer mq-anr nae bi dovle-awr,

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

1 Beˬtuˆluˆ 1:13

Khoermirnae, nawmaf-euq nuima yawmuiq-aer laeqhmq-awr, yawbeur beur-aer daef-awq. Yeqsur Kali-anr byacaevni ya’mawr ngae nan, aqyawf, nawmaf-anr bifnaeq laf-eu guiqlanq yawdzanr-anr taef-aer noeqtmq taq-awq.

1 Beˬtuˆluˆ 4:13

Nawmaf khawf, Kali naeq-aer shaqzanq yadaq caw-eu mirnae, laqkhaq caer-awq. Aqyawf-euq yawshaef khanqsaer panmaeq naeqlaf ngae, nawmaf khawf laqkhaq yacaer duidui taef-a.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

2 Beˬtuˆluˆ 3:12

Nawmaf, Miqyaer-euq arnan yawkawr-aer keuvleni noeqtmq-awr dawq-awq. Arnan khoernan keuvle ngae, mq-anr miqdzaq puivluf-eu mirnae, mq guirbyov jir-awr, lanr duidui-eu baqda’nae yawqjeq navluf guirbyovjir taef-a.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.