1 Gawˇliˬtu 1:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyuif aqnyir deuq-or! Miqyaer, nawmaf-anr kur-euq gar sharnoeqhaw sher-eq. Shiqshaq paw sharsawx nar-aq, nawmaf-euq lafkhoer zaqsiq tsawrganr anr-eu tsawrhaq maqmyaq-a, ghaq khav-eu tsawrhaq maqmyaq-a, tsawrhuiq tsawrma khawf maqmyaq-a.

Akha

²⁶ Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ naw maꞈ-ahˇ kuˇ ngeh naw maꞈ aˬ geu tiˆ-ahˇ dehꞈ-euˬ gaˇ taˬ ngehˇ. Shiˬ shaˬ jiˇ paw dzeˇ neh shaˇ sawˇ leꞈ naˇ, naw maꞈ laꞈ kʼoeˇ zaˬ siˬ tsawˇ gahˇ ahˇ-eu gʼawˬ mya gʼaˬ maˬ jawˇ-a. Baoˬ jaˆ-eu gʼawˬ mya gʼaˬ maˬ ahˇ-ehˇ, yaw huiˬ yaw mahˇ-euˬ aˇ jeuˬ laꞈ kʼoeˇ dehꞈ le-euˬ gʼawˬ mya gʼaˬ maˬ keuˬ-a.

1 Gawˇliˬtu 1:26 ပူးပေါင်းရင်းမြစ်များ

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

1 Gawˇliˬtu 2:8

Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

1 Gawˇliˬtu 1:20

Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Luˇkaꞈ 1:3

Ngar khawf garkawv heudeuq dawqtawv luf-anr ardanq bae-eu gar nae yawmuiq paq-aer povtser duq-awr, maeqhu maeqnan tsaqni nawq-anr bofanr lef-eu tsaq taef-a laer, noeq-awr bofghae lef-euq ma.

1 Gawˇliˬtu 2:13

Khoermirnae, nga’maf guiqlanq heudeuq-euq garkawv ngaeq ngae, tsawrhaq-euq zaqsiq tsawrganr maeq-eu lof-aer ngaeq-eu maqngeur, Yawshawr Saflar maeqnaeq laf-eu lof-aer ngaeq-eu ma. Saflar paw-euq garkawv ngaeq ngae, saflar paw taf-eu deuq-anr ciqcaev-awr ngaeq-eu ma.

2 Yoˇhaˬ 1:1

Ngar-aq, aqyuif aqtsu ma. Miqyaer nae tserdov taq-euq zaqmiq tiq ghaq-anr hawr-eu aqyawf-euq zaqdeuq-anr sanqbof bofanr lef-euq ma. Yawtsaq yawdawr-euq lafkhoer, ngar, nawmaf-anr gaq-eu ma. Ngar taef-aer gaq-eu maqngeur-eu, yawtsaq yawdawr jeq-anr siqnya-eu tsawrhaq dawqtawvluf khawf gaq-eu mae.

Piˇliˇpiˆ 4:22

Tsawrshawr dawqtawvluf, nawmaf-anr dawqcawq puqanr lef-awr, aqcawq navmaqtser, sanqpaq Gaersaq-euq nymr-anr jawr-eu deuq, nawmaf-anr dawqcawq puqanr lef-euq mae.

Gʼaˬkʼehˇ 17:34

Aerkhawf, heumyav ghaq, Kali-anr janlar-awr, aqyawf-anr gawfler-euq mae. Tsawrhaq khoerdeuq-euq lafkhoer, Aqleqorpaqgur armaf-anr taf-eu Daqyawrnaqsir laer kur-eu tiq ghaq keuq-awr, Daqmaqlir laer kur-eu zaqmiq aqbur tiq ghaq hawr-eu nuideuq khawf keuq-eu mae.

Gʼaˬkʼehˇ 13:12

Khoerlof-aer pyeuflar-euq gar meuq-anr sanrmr-eu khoerghaq ya’mawr ngae, aqyawf, Kali-anr janlar-euq mae. Aqjeq mirnae aernar-aq, Sanqpaq Miqyaer-euq garkawv maeqnaeq-eu gar aqyawf zanq duidui ler-euq mae.

Gʼaˬkʼehˇ 13:7

Heughaq-aq, zaqsiq tsawrganr zawr anr-eu Seqlaqgir Pawrluv laer kur-eu, irjawlanr-euq meuq-anr sanrmr-eu ghaq naeq-aer jawr-eu mae. Meuq-anr sanrmr-eu khoerghaq, Miqyaer-euq dawq gaqmawf-eu mirnae, Baqnaqbar hawr-eu Sawrluv-anr kur-euq mae.

Lormav 11:29

Aqjeq mirnae aernar-aq, Miqyaer-aq, aqyawf nae bif-euq lafsawq hawr-eu, aqyawf nae kur-euq khoer-anr maqpov maq parlar-a.