1 Gawˇliˬtu 1:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

Akha

²⁰ Kʼoeˇ miˇ neh, zaˬ siˬ tsawˇ gahˇ ahˇ-eu tsawˇ haˬ aˬ gaˇ jawˇ ta lehˇ ehˇ haw sheˇ. Zahˇ dawˬ kʼoꞈ dawˬ mehˬ-eu saˬ laˬ deuˬ aˬ gaˇ jawˇ ta lehˇ ehˇ haw sheˇ. Heu ziˇ-ahˇ ja ceh ceh-eu paw nya dui dui-eu tsawˇ haˬ deuˬ aˬ gaˇ jawˇ ta lehˇ ehˇ haw sheˇ. Miˇ tsaˬ heu kʼoeˇ taˆ jaˆ-eu zaˬ siˬ tsawˇ gahˇ deuˬ yawꞈ ngehꞈ meh lehˇ Miˬyehˇ neh bi siˬ bi mawˇ laꞈ gʼaˬ-euˬ maˬ ngeuˇ-a loˇ.

1 Gawˇliˬtu 1:20 ပူးပေါင်းရင်းမြစ်များ

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Lormav 1:20

Mqbae mirbae bae ngae nan-anr nae, Miqyaer-euq mqmaq maqbyav yarzir zif-eu baoq hawr-eu aqyawf, Miqyaer pyeuf-eu garkawv byacaevni siqduq mawrduq lar-eu mae. Myavnuiv nae maq hawmawr nya-eu khawf, aqyawf nae baetaq-euq deuq-anr haw-awr siqduq lar-eu mae. Khoermirnae, aqyawfmaf tiqjeq-anr-iq daeqlaefkhar maqza-a.

Lormav 1:22

Yawqhar yawqha yawganr ma laer aer-eu khawf, aqdzawq argan pyeuf-ir taq-euq mae.

1 Gawˇliˬtu 1:19

Aqjeq mirnae aernar-aq, Yaerbof heulof-aer boftaq-euq mae, “Ngar, tsawrganr anr-eu deuq-euq zaqsiq tsawrganr-anr lavcawv-awr, Siqzaq-euq ghovshaw nya-eu jeq-anr yawqngaef-aer bipyeuf-ir ma.” (Isy 29:14)

1 Gawˇliˬtu 1:26

Aqyuif aqnyir deuq-or! Miqyaer, nawmaf-anr kur-euq gar sharnoeqhaw sher-eq. Shiqshaq paw sharsawx nar-aq, nawmaf-euq lafkhoer zaqsiq tsawrganr anr-eu tsawrhaq maqmyaq-a, ghaq khav-eu tsawrhaq maqmyaq-a, tsawrhuiq tsawrma khawf maqmyaq-a.

1 Gawˇliˬtu 1:27

Aerkhawf, Miqyaer, zaqsiq tsawrganr anr-eu deuq bi shafdawr-ir-eu laer, mirtsaqzaq nae zaqsiq tsawrganr maqanr-a laer sawxtaq-euq deuq-anr tserdov-euq mae. Miqyaer, ghaq khav-eu deuq bi shafdawr-ir-eu laer ghaq baq-eu tsawrhaq mae laer mirtsaqzaq nae sawxtaq-euq deuq-anr tserdov-euq mae.

1 Gawˇliˬtu 1:28

Miqyaer jav-eu deuq-anr lavbyov-eu laer, mirtsaqzaq nae taqteq-awr nodzae taq-euq deuq, tiqjeq-iq maqjav-a laer sawxtaq-euq deuq-anr tserdov-euq mae.

1 Gawˇliˬtu 11:32

Aqdui, mirtsaqzaq naeq-aer tiqkawv lof-aer yarkhaq dar-eu gar maqya daqni, Sanqpaq Miqyaer, aqdui-anr yarkhaq dar-eu-aq, aqdui-anr diqdiq-aer maeq-eu jeq pyeuf-eu mae.

1 Gawˇliˬtu 2:6

Nga’maf saflar paw tsawrkhav khavlar-euq deuq-euq ghanrcae zaqsiq tsawrganr-euq garkawv ja-eu ma. Aerkhawf, heuzir-anr taf-eu zaqsiq tsawrganr maqngeur-eu, piq-ir byov-ir luf-eu heuzir-euq khoertav uvlanr-eu deuq-euq zaqsiq tsawrganr khawf maqngeur-a.

1 Gawˇliˬtu 2:8

Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

1 Gawˇliˬtu 6:2

Tsawrshawr deuq mirtsaq heu-anr yarkhaq yadar mae laer nawmaf maq siqnya-eu le laq? Nawmaf, mirtsaq heu-anr yarkhaq yadar-eu ngeur nar-aq, nyir duidui-eu garkawv heu-anr nawmaf yarkhaq darnaeq-eu maqgeux-a lor?

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.