1 Gawˇliˬtu 1:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqjeq mirnae aernar-aq, lafyaq-euq garkawv-aq, cawv-ir luf-eu tsawrhaq-euq gharduq-aq, zaqsiq tsawrganr maqanr-eu dawq pyeuf-eu mae. Aerkhawf, kakhof-eu jeq zaluf-eu aqdui-euq gharduq-aq, Miqyaer-euq baoq pyeuf-eu mae.

Akha

¹⁸ Aˬ jeˬ miˇ neh ehˇ naˇ, Ka li laꞈ yaꞈ kʼoeˇ taˆ kamˇ shiˇ-euˬ kʼoeˇ-aˬ, byoˆ-iˇ-euˬ tsawˇ haˬ deuˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a. Ehˇ kʼawꞈ kʼoeˇ-aˬ, aˬ dui ka kʼoꞈ-eu jeˬ za-euˬ deuˬ gʼaˇ duˬ Miˬyehˇ-euˬ baoˬ meh.

1 Gawˇliˬtu 1:18 ပူးပေါင်းရင်းမြစ်များ

Gʼaˬkʼehˇ 13:41

‘Nawmaf, aqjaf jaf-eu deuq hawtaq-awq. Zanqler-awr cawv-ir-awq! Aqjeq mirnae aernar-aq, Nawmaf-euq arnan aryamq-euq lafkhoer, ngar tiq jeq mr-eu ma. Nawmaf gar heu-anr tiqjeq ghaenae-iq maqjan-ar, Aqcawq, nawmaf-anr ja’naeq khawf nawmaf maqjan-ar.’ ” (Hbk 1:5)

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Gʼaˬkʼehˇ 17:32

Khoerngae, aqyawfmaf shir-euq gar nae ghofdaef lar-euq garkawv yagaq-awr, tsawrhaq tiqpavnav deuq, aqyawf-anr aqjaf jaf-eu mae. Aerkhawf, tiqpavnav deuq aer-eu, “Nawr garkawv teu ja-eu gar nga’maf yawqpovyawq par narhaq taef-a.”

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

1 Gawˇliˬtu 15:2

Ngaq nae nawmaf-anr maeqnaeq-euq guiqlanq dawq-anr yawqngaef-aer jan-eu maqngeur-aer, yawmuiq-aer nyaeftaeqtaq nar-aq, guiqlanqdawq heu-euq baqda’nae nawmaf yabuq-ir taef-a.

1 Gawˇliˬtu 2:14

Aerkhawf, Miqyaer-euq Saflar-anr taf-eu deuq-anr maq daefpov-euq tsawrhaq maq hageuf nya-a. Khoerdeuq-aq, aqyawf-euq gharduq aqdzawq argan-euq dawq lof-aer pyeuf-awr aqyawfmaf, garkawv heudeuq-anr maq ghovshaw nya-a. Aqjeq mirnae aernar-aq, saflar paw tserpav birpav nya-eu tsawrhaq taef-aer heudeuq-anr ghovshaw nya-eu mae.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

1 Gawˇliˬtu 4:10

Nga’maf, Kali-euq gharduq aqdzawq argan pyeuf-eu khawf, nawmaf-aq, Kali-euq lafkhoer tsawrganr anr-eu tsawrhaq ngar-a! Nga’maf ghaq baq-eu khawf, nawmaf ghaq khav-eu ngar-a! Nga’maf-aq, hawteq hawdoer-eu gar yadaq-eu khawf, nawmaf-aq, myavpyawq narmaer jav-eu ngar-a!

2 Gawˇliˬtu 10:4

Nga’maf-euq guirdeuv keuka-aq, shiqshaq-anr taf-eu maqngeur. Zifdanni jav-eu lanrlof-anr gheuka nya-eu Miqyaer-euq baoq anr-eu keuka ma.

2 Gawˇliˬtu 4:3

Nga’maf maeqluf-eu guiqlanq dawq-anr daeqkaq taq-euq jav-eu ngeur nar-aq, cawv-ir luf-eu tsawrhaq-euq gharduq daeqkaq taq-euq mae.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

2 Teˇsaˬloˇni 2:10

Khoeruqtaf, cawv-ir luf-eu tsawrhaq-anr myawfza shuirza nya’ni, aqyawf maqtsaq maqdawr-eu yawqjeq navluf-anr ghoe taef-a. Aqyawfmaf kakhof-eu jeq za’ni, yawtsaq yawdawr-anr maqgaq-aer maq hageuf-eu mirnae yacawv-ir-eu mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

HeˬByehˇ 4:12

Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.