1 Gawˇliˬtu 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar, Saqteqpaq paeqzaq-anr khawf bartirsaq mrnaeq-euq ma. Khoerdeuq-anr maqngeur nar-aq, nuideuq-anr bartirsaq mrnaeq-euq laer ngar maq noeqnya.

Akha

¹⁶ (Saˬteˬpaˬ-euˬ nymˇ kʼahˬ zaˬ deuˬ-ahˇ kʼawꞈ ngaˬ neh iˇ cuꞈ shawˇ nehˬ-euˬ law hawˇ nga. Kʼoeˇ taꞈ naˇ, nui gʼaˬ tiˬ gʼaˬ-ahˇ-iˬ ngaˇ iˇ cuꞈ shawˇ nehˬ-euˬ ma lehˇ maˬ noeˬ nya.)

1 Gawˇliˬtu 1:16 ပူးပေါင်းရင်းမြစ်များ

Gʼaˬkʼehˇ 11:14

Nawr hawr-eu nawq-euq miqsawrzaq yawqghaq navluf yabuq-ir ni, aqyawf, nawq-anr dawqja ja’maeq naeqlaf taef-a.’

Gʼaˬkʼehˇ 16:15

Khoernar-aq, aqyawf hawr-eu aqyawf-euq nymrkhanq-euq zaq dawqtawvluf bartirsaq hageuf-euq mae. Khoerngae, aqyawf shar-eu, “Ngar, Sanqpaq Miqyaer-anr sarjax zif-eu nga laer nawmaf noeq-eu ngeur nar-aq, ngaq-euq nymr-anr davlar-awr yaflar-awq.” Khoermirnae, aqyawf, nga’maf-anr cawqza nya-euq mae.

Gʼaˬkʼehˇ 16:33

Khoerngae mir, khoerngae yamq-anr, kuv-euq aqyuif ghaq, aqyawf nyaf-anr sheuqghae-awr, aqyawf nyaf-anr bidiq-euq markhaeq-anr tsiqshawr naeq-euq mae. Khoernar-aq, aqyawf hawr-eu aqyawf-euq nymrkhanq-euq zaq dawqtawvluf tiqpov taef-aer bartirsaq hageuf-euq mae.

1 Gawˇliˬtu 1:15

Khoermirnae, nawmaf, ngaq-euq tsawrmyanr-euq uqmov bartirsaq hageuf-euq ma laer tiqghaq-iq maqaer nya-a.

1 Gawˇliˬtu 16:15

Aqyuif aqnyir deuq-or! Ngar, nawmaf-anr shar ma. Saqteqpaqna paeqzaq-aq, Aqgaqyar-euq lafkhoer siqbae baele-euq arsiq pyeuf-awr, tsawrshawr deuq-euq guiqlanq-euq gar mr-eu laer, aqyawf maf-euq mawrdo a’naeq taq-euq garkawv nawmaf siqnya mae.

1 Gawˇliˬtu 16:17

Saqteqpaqna, Pawqdurnav hawr-eu Aqgaqyaqgur aqha’maf, ngar jawr-eu gar oe-euq mirnae, ngar laqkhaqcaer duidui nya. Aqjeq mirnae aernar-aq, nawmaf nae maq mrluiv-euq jeq-anr aqyawfmaf mrbyan naeqlaf-euq mae.