1 Gawˇliˬtu 1:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ngar, Gaqlirpuv hawr-eu Gaqyur-anr maqngeur nar-aq, nawmaf-euq lafkhoer tiqghaq-anr-iq bartirsaq maq mrnaeq-euq mirnae, Miqyaer-euq guiqlanq-anr jaceuq ma.

Akha

¹⁴ Naw maꞈ laꞈ kʼoeˇ, Gaˬliˇpuˆ hawˇ-eu Gaˬyuˇ aˬ nyaꞈ-ahˇ tehꞈ-ehˇ ngaˇ iˇ cuꞈ ya shawˇ nehˬ-euˬ baˬ da neh Miˬyehˇ-euˬ guiˬ lahˬ-ahˇ ja ceuˬ-eu ma.

1 Gawˇliˬtu 1:14 ပူးပေါင်းရင်းမြစ်များ

Gʼaˬkʼehˇ 10:48

Khoermirnae, Beqtuvluv, aqyawf maf-anr Sanqpaq Miqyaer-euq tsawrmyanr-euq uqmov bartirsaq hageuf-awq laer dawq bif-euq mae. Khoernar-aq, aqyawfmaf naeq-aer heumyav nan parjawr naeqlaf laer Beqtuvluv-anr shar-euq mae.

Gʼaˬkʼehˇ 18:8

Zanrdawq khawqnymr-euq aqyuif geuf-eu Gaqlirpuv laer kur-eu ghaq hawr-eu aqyawf-euq miqsawrzaq yawqghaq navluf, Sanqpaq Yeqsur-anr janlar-euq mae. Gawrliqtu-anr jawr-eu ghawqmya ghaq khawf yagaq-awr janlar-awr, bartirsaq hageuf-euq mae.

Lormav 16:23

Ngaq-anr hageuf-awr, Kalizaq armur murlan-anr hageuf naeqlaf-euq Gaqyur khawf, nawmaf-anr dawqcawq puqanr laf-euq mae. Meuq heumeuq-euq pyur jeqhmq-eu ghaq Erlaqdur hawr-eu maernmr Gawqtu khawf, nawmaf-anr dawqcawq puqanr laf-euq mae.

1 Gawˇliˬtu 1:15

Khoermirnae, nawmaf, ngaq-euq tsawrmyanr-euq uqmov bartirsaq hageuf-euq ma laer tiqghaq-iq maqaer nya-a.

1 Gawˇliˬtu 1:4

Ngar, nawmaf-euq baqda’nae aqmyanluf ngaq-euq Miqyaer-anr jaceuq luf-eu ma. Aqjeq mirnae aernar-aq, Yeqsur Kali-euq baqda’nae nawmaf, Miqyaer-euq guiqlanq yawdzanr za-euq mae.

1 Gawˇliˬtu 14:18

Ngar, nawmaf yawqghaq navluf myavmaqtser dawqbav bavmyaq dzaeq-eu mirnae Miqyaer-anr jaceuq ma.

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

Eˇpeˇsu 5:20

Aqdui-euq Sanqpaq Yeqsur Kali-euq tsawrmyanr-anr ghoe-awr, aqmyanluf yawqjeq navluf-euq lafkhoer, Aqda Miqyaer-anr jaceuq-awq.

Gawˇlawˇsehˇ 3:15

Khoeruqtaf, Miqyaer-euq nuisar of-eu jeq nae nawmaf-euq nuima-anr bi uvlanr-awq. Khoerlof-aer bi uvlanr-eu laer, mawrdo tiq do taef-aer pyeuflarni Miqyaer, nawmaf-anr kurtaq-euq mae. Khoermirnae, nawmaf, Miqyaer-euq guiqlanq-anr noeqmuiq-awq.

Gawˇlawˇsehˇ 3:17

Nawmaf dawqngaeq dawqtmr mr-eu hawr-eu, mr-awr shar-eu yawqjeq navluf, Sanqpaq Yeqsur-euq tsawrmyanr-euq uqmov mr-awq. Aqyawf-anr ghoe-awr Aqda Miqyaer-euq guiqlanq-anr jaceuq-awq.

1 Teˇsaˬloˇni 5:18

Yawqjeq navluf-euq lafkhoer Miqyaer-euq guiqlanq-anr jaceuq-awq. Aqjeq mirnae aernar-aq, nawmaf heulof-aer janr-eu-aq, Yeqsur Kali-euq lafkhoer Miqyaer nuima tsaq-eu mae.

1 Tiˆmoˇseˬ 1:12

Ngar, ngaq-anr ghaq bifnaeqlaf luf-eu aqdui-euq Sanqpaq Yeqsur Kali-anr jaceuq ma. Aqjeq mirnae aernar-aq, ngar-aq, sarjax zif-eu nga laer aqyawf sawx-awr, ngaq-anr khaer-awr guiqlanq-euq gar bi mrnaeq laf-euq mae.

Piˇleˇmoˬ 1:4

Ngar guiqlanq kharshar ngae, nawq-anr aerkeuv-awr aqmyanluf nawq-euq gharduq ngar, ngaq-euq Miqyaer-anr jaceuq luf-eu ma.