1 Gawˇliˬtu 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngaq-euq aqyuif aqnyir deuq-or! Nawmaf iqdaeq iqcae dovluf-eu mae laer Kaqlawriv nymrkhanq-euq lafkhoer jawr-eu tsawrhaq, ngaq-anr dzawrnaeq laf-euq mae.

Akha

¹¹ Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yaw kaˬ iˬ dehˬ iˬ ceh jaˆ luꞈ meh lehˇ, Kaˬlawˇiˆ aˇ muˇ ngaˬ-ahˇ bya cehˆ ni ehˇ nehˬ laꞈ-euˬ meh.

1 Gawˇliˬtu 1:11 ပူးပေါင်းရင်းမြစ်များ

Dawqdaq 13:10

Nuima huiq-eu jeq-aq, iqdaeq iqcae taef-aer bi dovlar-eu mae. Aerkhawf, maeqbawq bif-eu gar hageuf-eu tsawrhaq-aq, Zaqsiq tsawrganr za-eu mae.

Dawqdaq 18:6

Aqdzawq argan-euq maeqluq-aq, Iqdaeq iqcae bi dovlar-awr, Aqyawf-euq khaqmae-aq, Darcuir nae bidiq-eu laer kur-eu mae.

1 Gawˇliˬtu 1:10

Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

1 Gawˇliˬtu 1:12

Ngar aermawf-eu-aq, nawmaf-euq yawkaq heulof-aer aerluf-eu mae, “Ngar-aq, Pawrluv-euq tsawrhaq ma.” “Ngar-aq, Aqpawrluv-euq tsawrhaq ma.” “Ngar-aq, Geqpar-euq tsawrhaq ma.” “Ngar-aq, Kali-euq tsawrhaq ma.”

1 Gawˇliˬtu 11:18

Yawbae jeq-aq, Kalizaq armur uiqler ngae, armaf birpav luf-eu mae laer ngar yagaq-euq ma. Ngaq nae yagaq-euq lof-aer tiqpav tsaq-eu dur laer ngar jan ma.

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

2 Gawˇliˬtu 12:20

Ngar, nawmaf jawr-eu gar oekeuv ngae, ngar noeqtmq-eu lof-aer nawmaf maqpyeuf-aer, nawmaf noeqtmq-eu lof-aer ngar khawf maqpyeuf-eu law maqsiq laer guv mir-a. Iqdaeq iqcae dov-eu, myavnav nav-eu, nuima ardzaeq-aer paer-eu, yawqha-euq gharduq taef-aer tov-eu, jabu jadoer-eu, dawqdoer khoeqsav-eu, nuima huiq-eu hawr-eu suqsaq larni janr-eu, heudeuq jav-eu paq laer ngar khanqlanr mir-a.

Gaˬlaˬtiˆ 5:15

Aerkhawf, nawmaf tiqghaq tirghaq kawfkawf-aer kawfsaef dzaqluf nar-aq, tiqghaq tirghaq lavcawv byovjir lar-eu gar yanr-awq!

Gaˬlaˬtiˆ 5:20

tanqpanq aqma mawrkawr-anr uqduq tanq-eu, ja’maw maw-eu, tiqghaq tirghaq muir-eu, caedzaq-eu, myavnav nav-eu, nuima dav-eu, huiqmawf manrmawf-eu, armaf birpav-eu, maqtsaq maqdawr-eu jeq maeq-eu,

Gaˬlaˬtiˆ 5:26

Aqdui nuima maqhuiq-aer, tiqghaq tirghaq nuima maq lavpaer-eu uqtaf, tiqghaq tirghaq myav maq navni daef kar-eur.

Piˇliˇpiˆ 2:14

Nawmaf kharmr kharshar-eu jeq-euq lafkhoer, tiqghaq tirghaq dawqghof maqdov-aer tsawrpyaer maqpyaerni mr-awq.

1 Tiˆmoˇseˬ 6:4

aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

Tiˇtuˆ 3:9

Dawrga deuq tsawrpyaer pyaer-eu, tsuif gui-eu, caedzaq-eu, zanrdawq-euq garkawv pyaer-eu, heudeuq-anr garjaw jaw-awq. Aqjeq mirnae aernar-aq, garkawv khoerdeuq-aq, tiqjeq-iq gardanr maqtsoeq-eu uqtaf, yawqngaef yawqkuq mae.