1 Gawˇliˬtu 1:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

Akha

¹⁰ Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

1 Gawˇliˬtu 1:10 ပူးပေါင်းရင်းမြစ်များ

Jaceuq 133:1

Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

Maꞈtehˬ 9:16

“Tsawrhaq tiqghaq-iq maeqtsoeq yawcaer-anr saqpar yawshuif nae paertsanr maqdof-ar. Dof nar-aq, doftaq-euq paertsanr khoertsanr, maeqtsoeq yawcaer-anr bipyaq-ir-eu uqtaf, yawbae navmaqtser pyaqdzaeq-ir taef-a.

Maˬkuˆ 2:21

“Tsawrhaq tiqghaq-iq paerkhanq yawcaer-anr saqpar yawshuif nae paertsanr maqdof-ar. Dof nar-aq, doftaq-euq paertsanr yawshuif khoer, paerkhanq yawcaer khoerkanr-anr yawbae navmaqtser parbi pyaq-ir taef-a.

Maˬkuˆ 3:24

Mirkhanq tiq khanq-euq lafkhoer, birpav-awr muir-eu jeq jav nar-aq, mirkhanq khoerkhanq maqzif nya-ar.

Yoˇhaˬ 10:19

Khoerngae, dawq khoerdeuq-euq baqda’nae, Yurdav tsawrhaq-euq yawkaq parpav-ir-euq mae.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 7:43

Khoerngae, Yeqsur-euq baqda’nae, aqyawf maf-euq yawkaq pav-ir-euq mae.

Yoˇhaˬ 9:16

Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.

Gʼaˬkʼehˇ 4:32

Kali-anr jan-eu tsawrhaq baqmaf myaq-eu khawf, nuima tiqsiq taef-aer taq-awr, nuinoeq tiqgar taef-aer tsaq-eu mae. Aqgeu ghaq maqkaq, yawqha jav-eu myawqdeuq, yawqha-euq le laer tiqghaq-iq maqaerni, kharjav-eu myawq dawqtawvluf tiqkawv lof-aer zmq-eu mae.

Lormav 1:13

Aqyuif aqnyir deuq-or! Ngar, nawmaf-anr heulof-aer bi siqmawf mir-a. Nuigar jawr-eu aqcawq tsawrjeuq tsawrca-euq ghanrcae arsiq za-euq lof-aer, nawmaf-euq ghanrcae khawf arsiq uicuivnav za’ni, nawmaf jawr-eu gar lar ma laer ngar ghawqmya pov noeqtsaev-euq ma. Aerkhawf, nymq-mr keuvni lavtsoeq-eu jeq jav-eu mae.

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

Lormav 15:30

Aqyuif aqnyir deuq-or! Aqdui-euq Sanqpaq Yeqsur Kali-euq baqda’nae hawr-eu, muiq-eu Saflar-euq gaq-eu jeq-euq baqda’nae, ngar, nawmaf-anr heulof-aer shar-eu ma. Ngaq-euq gharduq ngaq naeq-aer Miqyaer-anr guiqlanq cawshar naeqlaf-awq.

Lormav 16:17

Aqyuif aqnyir deuq-or! Nawmaf nae yadzaw-euq dawqmaeq dawqtsov naeq-aer dawrnaq-aer mr-eu lafkhoer, aqcawq-anr bighawq bighaer-ir-awr, sanqtif bitif-eu tsawrhaq deuq-anr garjaw jaw-awq laer ngar, nawmaf-anr tanqshar-eu ma.

1 Gawˇliˬtu 1:11

Ngaq-euq aqyuif aqnyir deuq-or! Nawmaf iqdaeq iqcae dovluf-eu mae laer Kaqlawriv nymrkhanq-euq lafkhoer jawr-eu tsawrhaq, ngaq-anr dzawrnaeq laf-euq mae.

1 Gawˇliˬtu 11:18

Yawbae jeq-aq, Kalizaq armur uiqler ngae, armaf birpav luf-eu mae laer ngar yagaq-euq ma. Ngaq nae yagaq-euq lof-aer tiqpav tsaq-eu dur laer ngar jan ma.

1 Gawˇliˬtu 12:25

Khoer-aq, mawrdo-euq arsaer deuq ghawq-awr ghaer-eu jeq maqbi jav-aer, tiqsaer tirsaer ghawqshaq bigaq-eu gharduq mae.

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

1 Gawˇliˬtu 4:16

Khoermirnae, ngaq-anr mrcaw-awq laer ngar, nawmaf-anr shar-eu ma.

2 Gawˇliˬtu 10:1

Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

2 Gawˇliˬtu 13:9

Nga’maf ghaqbaqbaq ngae, nawmaf ghaq khav-eu mirnae, nga’maf laqkhaqcaer mir-a. Nawmaf kuflar byanlarni khawf, nga’maf guiqlanq sharluf-eu ma.

2 Gawˇliˬtu 5:20

Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Gaˬlaˬtiˆ 4:12

Aqyuif aqnyir deuq-or! Ngar, nawmaf lof-aer pyeufle-euq mirnae, nawmaf khawf ngar lof-aer pyeuflar-awq laer sharmawf mir-a. Nawmaf, ngaq-anr mrlaeq taq-euq tiqjeq-iq maqjav-a.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Piˇliˇpiˆ 3:16

Aqjox-aer law-awr khawf, aqdui nuima tiqgar taf-awr, aqdui aqgeu tiv-anr zataq-euq ngeur nar-aq, khoertiv-anr geuxni daef kar-eur.

1 Teˇsaˬloˇni 5:13

Aqyawfmaf khoerlof-aer mr-eu mirnae, gaq-eu lafkhoer, aqyawf maf-anr taqhuiq taqmanr naeq-awq. Nawmaf-euq yawkaq khawf tsaqler dzoerler-awq.

2 Teˇsaˬloˇni 2:1

Aqyuif aqnyir deuq-or! Aqdui-euq Sanqpaq Yeqsur Kali zafka le-eu garkawv hawr-eu aqdui, aqyawf jawr-eu gar uiqler-eu garkawv-anr tafler-awr nae, ngar, nawmaf-anr heulof-aer shar-eu ma.

1 Tiˆmoˇseˬ 5:21

Nawr khoerdeuq mr ngae, noeqdoer hawdoer-awr, myavpyawq huiqnyir tser-eu jeq maqanrni yawmuiq-aer mr-awq laer Miqyaer, Yeqsur Kali hawr-eu tserdov taq-euq mqtav ghaqkhaer-euq maeqshi, ngar, nawq-anr dawq bif-eu ma.

2 Tiˆmoˇseˬ 4:1

Miqyaer hawr-eu Sanqpaq Yeqsur Kali-euq maeqshi, ngar, nawq-anr dawq bif-eu ma. Yeqsur dovle ngae, aqyawf uvlanr-eu lafkhoer daefluf-eu tsawrhaq hawr-eu shirdzeur-euq tsawrhaq-anr yarkhaqdar taef-a.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.