Youdas 1:20 - Ashiri Aeuitaknup Iyohaichish Yona 1897

²⁰ Koroka, aomap an utara echi utara anak ne Ashkanne Ramat oshiketa inonno-itak ki,

Youdas 1:20 ပူးပေါင်းရင်းမြစ်များ

Apostoro ikip oma kambi 15:9

aige, nei utara newa chi utara gusu shinnai no are shomoki no eishokor-i ani koro keutura ashkannere.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Apostoro ikip oma kambi 6:7

Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.

Apostoro ikip oma kambi 9:31

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

Roma 15:2

Aashte gusu, pirikap otta pishno aota an guru nupetnere yanro.

Roma 8:15

Echi utara ishitoma gusu kanna-shui ausshiune utara ne kuni gusu ramat akore shomoki, koroka, nei ambe ani Abba, Michihi, ari an itak ani ye kuni poho ne akara kuni gusu an ramat echi kore nisa ruwe ne na.

I Korintos 1:8

echi utara anak ne chikoro Utarapa ne Yesu Kiristo toho ta wen-buri sak no ka okai kuni ne Shinuma anak okese pakno echi tumashnure kusu ne na.

I Korintos 10:23

Nep ne yakka an okaibe ikashpaotte kopakeat a yakka, obitta no okaibe auina gusu pirika shomo ne. Nep ne yakka an okaibe ikashpaotte kopakeat a koroka, obitta utara roshkire shomo ki ruwe ne.

I Korintos 14:15

Yakun, nekon ne ya? Kuani anak ne ramat ani ne yakka, eraman mondum ne yakka, inonno-itak ku ki kusu ne; ramat ani ne yakka, eraman mondum ani ne yakka, shinotcha ku ki kusu ne na.

I Korintos 14:26

Yakun, nekon a iriwak utara? Echi utara uwekarapa ita pishno pishno iyohaiochish an, epakashi an, aeramandep an, oya itak an, itak itasare ambe an. Nep ne yakka utara ashte gusu aki kuni kara yan.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Epesos 4:16

Shinuma gusu pishno okai ikra koropare ambe an gusu, netobake ebitta irammakaka aurukire wa uweyupu hine pishno an awehe ki ikip an korachi, omap ki wa netobake shukupte wa yaiashte ruwe ne.

Epesos 4:29

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Epesos 6:18

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

I Tessaronike 5:11

Tambe gusu, echi iki shiri poka korachi utashpa uweomaoma hemhem ki utashpa uweashte hemhem ki yan.

I Timoteos 1:4

koroka, makangane upahunara ambe hetukure uwepekere newa ainu ikiri reihei gusu an orushpe iteki ekotanu wa esanniyo kuni ne ku ikashpaotte ash korachi, tane ne yakka ku iki na.

II Timoteos 1:5

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Yakob 2:22

Shinuma koro ki ikip tura eishokor-i ki, samata, ki ikip gusu eishokor-i anak aeramushinnere nisa ruwe ne sekoro eani nukara; awa,

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

I Yoannes 5:4

Inambe gusu ne yakun, nep ne yakka Kamui orowa no ahekature ambe anak ne moshiri annokan ruwe ne: orowa, moshiri annokan nisa kiroro anak ne,

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.