Yoannes 9:39 - Ashiri Aeuitaknup Iyohaichish Yona 1897

³⁹ Aige, Yesu ene itak-hi :— Nukara shomoki utara ingara, nukara wa okai utara shiknak ne kuni ne, koipishi ki gusu tan moshirʼotta Ku ek nisa ruwe ne, ari itak.

Yoannes 9:39 ပူးပေါင်းရင်းမြစ်များ

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 15:14

Nei utara moshima okai yan; shiknak ru-epakashnu utara ne ruwe ne. Orowa, shiknak guru anak ne shiknak guru ru epakashnu chiki, tun kane shui oro-oshima kusu ne.

Mattaios 6:23

Koroka, echi shikihi anak ne wen yakun, kon netobake ebitta ekureok eshik kusu ne ruwe ne. Tambe gusu echi oshiketa an pekere ekureok ne chiki, nep poro ekureokbe humi!

Roukos 1:79

Mo an ru otta chikoro kema aomande kuni ne, Rai kurihi otta hene, kunne-i otta hene rok wa okai chi utara gusu atte pekere ruwe ne, ari Zakarias itak.

Roukos 13:30

Orowa, ingarʼan, iyoshi no okaibe anak ne hoshiki no ne kusu ne, hoshiki no okai wa iyoshi no ne kusu ne utara ka okai ruwe ne.

Roukos 2:34

Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne;

Roukos 4:18

Utarapa kon Ramat en kashiketa an, Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na: Ashikkashima wa okai utara otta apita katu hemhem, Shiknak utara otta pekere nukare katu hemhem ku nure, Piri-ao utara ku honnere,

Roukos 7:21

Nei pakibita Shinuma tashum ki inne utara newa shiyeye an inne utara newa nitne kamui shikatkari inne utara newa iwangere, naa samata, shiknak utara ingare nisa ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 12:46

En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

Yoannes 3:17

Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.

Yoannes 3:19

Ipishi aesanniyo-i anak ne tapne an ruwe ne; pekere moshirʼotta ek, orowa, utara ki ikip anak ne wen wa gusu pekere kasu no kunne-i omap nisa ruwe ne gusu ne na.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Yoannes 8:15

Echi utara anak ne kam nei no koipishi, Kuani anak ainu koipishi shomoki ruwe ne.

Yoannes 9:25

Tambe gusu, shinuma ene ese-hi:— Shinuma anak ne katpak koro guru ne ya, ku erampeutek: kuani shiknak wa ku an, awa, tane ku nukara korʼan, sekorʼan shine orushpe anak ne ku eramʼan ruwe ne, ari itak.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

II Korintos 2:16

oatteke an utara gusu rai wano rai otta an hura ne; oatteke an utara otta inotu wano inotu otta an hura ne ruwe ne gusu ne na. Aige, tapan okaibe gusu upakno an guru inan guru ne ruwe he an?

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

II Tessaronike 2:10

nei guru anak ne Satan iki-hi korachi, usa okai kiroro newa shiroshi newa shunge iyokonnurep, samata, aisamka kuni gusu an utara gusu usa okai kokandama arabe newa oupeka-sakbe koro wa ek ruwe ne.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Yoannes 2:11

Koroka, koro iriwak etunne gurʼanak ne kunne-i oshiketa an wa kunne-i otta apkash, orowa, ine un oman a shinuma erampeutek, kunne-i anak ne shinuma koro shikihi shiknakte nisa ruwe ne gusu ne na.