Yoannes 9:29 - Ashiri Aeuitaknup Iyohaichish Yona 1897

²⁹ Kamui anak ne Mose otta ye orushpe chi eramʼan: koroka, tan guru anak nei wano an guru ne ya, chi erampeutek ruwe ne, ani itak.

Yoannes 9:29 ပူးပေါင်းရင်းမြစ်များ

Iyohaichish 103:7

Shinuma anak ne Mose otta kon ruhu eramande, Israeru un utara otta koro ki ikip eramande nisa ruwe ne.

Iyohaichish 105:26

Shinuma koro uitek guru ne Mose newa, Anumge a Aaron teshkan nisa.

Iyohaichish 106:16

Orowa, kash koro wa okai ushiketa ne yakka Mose eyaitunnap, Shui, Ehoba koro Ashkanne Aaron eyaitunnap nisa u ruwe nei na.

Iyohaichish 22:6

Koroka, kuani anak ne Ainu shomo ne, toimok ku ne ruwe ne; Utara gusu yainikoroshmarep ne, uirup aesapsep ku ne ruwe ne.

Mattaios 12:24

Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.

Mattaios 26:61

Tan guru yep anak ne, — Kamui kora kenru Ku isamka wa rereko uturuta eashiri kara eashkai ruwe ne, ari itak nisa.

Roukos 23:2

Awa, eiyonnuppa heashire wa ene itak-hi :— Tan guru anak ne chikoro moshirʼun utara eshishire hine Kaisaros otta yaku sange kuni hattoki, samata, Shinuma yaikota Moshiri shikkashima guru Kiristo ne ruwe ne, ani itak.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 7:27

Koroka, chi utara anak ne tan guru nei wa ek guru ne ya chi eraman: koroka, Kiristo ek chiki, Shinuma nei wa ekbe ne ya, nen ne yakka erampeutek ruwe ne na, ari itak.

Yoannes 7:28

Tambe gusu, Yesu anak ne Kamui kora kenru ta hawe sange wa epakashnu hine ene itak-hi :— Echi utara anak ne En eamkiri hemhem ki, nei wano Ku ekbe ne ya echi eramu hemhem ki; orowa, Kuani yaikota yai Ku omande shomoki, koroka, En omandep anak ne son no ambe ne, echi utara anak ne Shinuma eamkiri shomoki ruwe ne na.

Yoannes 8:14

Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.

Yoannes 9:16

Tambe gusu, Parisee un sereke utara anak ne ene itak-hi :— Tan guru anak ne Shini toho shikkashima shomoki gusu Kamui orowa no ekbe shomo ne ruwe ne, ari itak. Koroka, nekon a iki wa tap korachi an shirosh katpak koro guru ki eashkai ya moshima okai utara ye nisa ruwe ne. Orowa no, nei utara tumugeta eukopi an na.

Yoannes 9:24

Tambe gusu, nei utara tu shuine nei shiknak guru hotuyekara wa otta ene itak-hi :— Kamui iramye yan: tan guru anak katpak koro guru ne sekoro chi eraman, ani itak.

Yoannes 9:30

Orota nei guru ese wa ene itak-hi :— Hemanda! te otta aenushkarip an, Shinuma nei wano an guru ne ya echi erampeutek, yakka, ku shikihi Shinuma maka nisa ruwe ne.

Apostoro ikip oma kambi 22:22

Tapan itak pakno nei utara ikokanu ruwe ne; orowa no hawe ashte wa ene itak-hi :— Tap okaibe iki ambe moshiri wano oyakta omande: nei guru shiknu kuni gusu an ambe shomo ne ruwe ne gusu ne na.

Apostoro ikip oma kambi 26:22

Tambe gusu, Kamui orowa no an kaobiuki ankushkerai tanto pakno ku an wa pon utara otta ne yakka rupne utara otta ne yakka paweteshu ku ki ruwe ne, koroka, uweingara utara newa Mose ye ek kusu ne okaibe moshima shomo ku itak ruwe ne na;

Apostoro ikip oma kambi 7:35

Hunna eani un esapane wa koipishi guru ne kuni kara ya? ari an itak ani ye wa eshishi tan Mose anak, hash oshiketa, orota yainukare hauturumbe koro teke ani esapane guru newa kikirayep ne kuni gusu Kamui anak ne shinuma omande nisa ruwe ne.

Hebraios 1:1

Fushkotoita poron no ausarayep newa usa okai katuhu ari, uweingarape ani ekashi otta itak ye Kamui anak ne,

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;