Yoannes 9:22 - Ashiri Aeuitaknup Iyohaichish Yona 1897

²² Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na.

Yoannes 9:22 ပူးပေါင်းရင်းမြစ်များ

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 1:19

Orowa :— Eani nen ne ya, sekoro Yoannes otta nu gusu Yudea un utara anak ne Yerusarem kotan wano Rebi utara newa Kamui kora kenru esapane utara payere ita anak, Yoannes koro paweteshu-i tap korachi ne.

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Yoannes 19:38

Tap orushpe okaketa Yudea un utara koishitoma gusu arorokishne no Yesu koikara guru ne Arimatea un Yosep anak ne Yesu koro kaisei koro wa oman kuni Pirato ekoramkon nisa ruwe ne: orowa, Pirato ramuoshma nisa ruwe ne. Tambe gusu, shinuma ek wa nei kaisei uk.

Yoannes 20:19

Orowa, nei toho ta, Mawari atpake an toho ta anak, shiri-onuman an koro, Yudea un utara koishitoma wa okai gusu, koikara utara okai ushiketa an apa-ushta ashi wa an, awa, nei ita Yesu ek hine utara tumugeta ash wa, — Echi utara otta itomo anro, ani ye.

Yoannes 7:13

Yakka, Yudea un utara ko-ishitoma gusu anu no Yesu orushpe ye guru isam ruwe ne.

Yoannes 9:18

Tambe gusu, shiki atumashnure guru koro eshikop hotuyekara wa, Tan guru anak ne shiknak wa hekatu ari echi ye poho ne ya?

Yoannes 9:21

koroka, hemanda tane shinuma nukara katu chi eramushkare; koro shiki maka guru nen ne ya chi erampeutek; shinuma pa an gusu otta nu yan; aige, shinuma yaikota gusu ese itak ki kusu ne na, ari itak.

Yoannes 9:34

Nei utara ese wa shinuma otta ene itak-hi:— Eani anak ne oara katpak otta hekatu, awa, eani un epakashnu ya? Orowa no, shinuma emaka nisa ruwe ne na.

Yoannes 9:35

Shinuma aemaka wa an orushpe Yesu nu; orowa, ipa wa nukara chiki otta ene itak-hi :— Eani anak ne Kamui Poho eishokon ruwe he an?

Apostoro ikip oma kambi 4:18

Orowa, nei utara anak ne ihotuyekara wa Yesu reihei gusu epakashnu hene itak hene ara shomoki kuni ne ikashpaotte nisa ruwe ne na.

Apostoro ikip oma kambi 5:13

Koroka, moshima okai utara anak nei utara tura no okai kuni niukesh: yakka,

Apostoro ikip oma kambi 5:40

Orowa, orota nei utara ramuoshma nisa: aige, Apostoro utara shihekote hotuyekara chiki, shirikik wa Yesu reihei gusu iteki ye kuni ikashpaotte, aine, honnere nisa ruwe ne.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.