Yoannes 8:9 - Ashiri Aeuitaknup Iyohaichish Yona 1897

⁹ Orowa, okai utara anak ne nei itak nu chiki, ekashi wano heashi wa iyotta upen guru pakno shinen range soine nisa ruwe ne: orowa, noshike un ushiketa an shiwentep hemhem Yesu hemhem yai-tura no aande nisa ruwe ne.

Yoannes 8:9 ပူးပေါင်းရင်းမြစ်များ

Iyohaichish 40:14

Ku ramat isamka kuni gusu hunara utara Shine-ikinne ayainikoroshmare wa sambe kokurusere wa en kore: En wende rusui utara Aehorokare wa akoatcha kuni ne kara wa en kore.

Iyohaichish 50:21

Tap okaibe e ki nisa, awa, mo no ku an, Aige, kuani anak me son no newa eani korachi ne sekoro e yainu nisa; Kuani anak ne e epakashnu ash, nei okaibe e shik samata ku ande kusu ne na.

Iyohaichish 71:13

Ku kon ramat keshke utara yainikoroshmare wa ushka; En wende gusu hunara utara aesapse ambe newa akoatchap ani kamure wa en kore.

Roukos 13:17

Orowa, Shinuma tan itak ye chiki Shinuma epokba utara obitta ayainikoroshmare nisa ruwe ne: orowa, inne utara obitta Shinuma ki arakuru an okaibe eyaikopuntek nisa ruwe ne na.

Yoannes 8:10

Orowa, Yesu yaikota ikkewehe turi hine shinuma otta ene itak-hi :— Shiwentep, nei utara neita okai ruwe ta okai? Nen ne yakka katpak e kore shomoki ya?

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Yoannes 8:2

Orowa, aro-kunnei-wano Shinuma shui Kamui kora kenru orun ahun, awa, obitta no okai utara Shinuma otta araki nisa ruwe ne; aige, Shinuma a wa utara epakashnu nisa ruwe ne.

Yoannes 8:3

Orowa, kambi-nuye utara newa Parisee un utara anak ne omoinu ki shiri anukara shiwentep tura wa araki; awa, nei shiwentep noshiketa ashte koro Shinuma otta ene itak-hi :—

Yoannes 8:8

Orowa, shui, Shinuma hotku wa koro ashikipet ani shiri kata nuye nisa ruwe ne.

Roma 2:15

nei utara koro sambe kata tuitak ikip anuye wa an-hi nukare, koro keutum nei ambe tura paweteshu ki, orowa, koro esanniyo-hi anak ne utashpa eiyonnuppa hene ki,

Roma 2:22

eani ikka ya? Iteki omoinu koro yan ari an itak ani ye guru, aokai anak ne omoinu koro ya? Potoki etunne guru, aokai anak ne Kamui chisei unbe e ikka ya?

I Yoannes 3:20

Shinuma tek-samata chikoro keutura ratchi wa okai ruwe ne; Kamui anak ne chikoro keutura kasu no pase wa nep ne yakka eraman ruwe ne gusu ne na.