Yoannes 8:54 - Ashiri Aeuitaknup Iyohaichish Yona 1897

⁵⁴ Yesu ene ese-hi :— Kuani anak ne yaikota yai-nupekte chiki, Ku nupeki anak ne raka sak ruwe ne: En nupekte guru anak ne Ku Michi ne ruwe ne; Shinuma anak echi koro Michi sekoro echi ye ruwe ne;

Yoannes 8:54 ပူးပေါင်းရင်းမြစ်များ

Yoannes 17:1

Yesu tap okaibe ye; orowa, kando orun shikihi hepuni wa ene itak-hi :— Michi, pakihi ek an; Poho anak ne E ko-oripak kuni ne E koro Poho ko-oripak wa En kore:

Yoannes 17:5

Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Yoannes 2:11

Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.

Yoannes 5:41

Kuani anak ne utara orowa no airamye ambe shomo Ku goro.

Yoannes 7:18

Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

Yoannes 7:39

Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

Yoannes 8:41

Echi utara anak ne echi koro michi ikip echi ki ruwe ne, ari itak. Orota nei utara ene itak-hi :— Hoiyo gusu chi hekatu ash ambe shomo ne; shine michi chikon ruwe ne, Kamui ne, ari itak.

Yoannes 8:50

Koroka, Kuani yaikota ramuayere kuni ambe Ku hunara shomoki; hunara wa koipishi ki Shinen an ruwe ne.

Apostoro ikip oma kambi 3:13

Echi utara ekoshi wa Pirato anak ne Shinuma honnere kusu ne sekoro esanniyo ita, nei kotchaketa echi eshikeshke okere, Abraham newa Isaak newa Yakob koro Kamui, chikoro ekashi koro Kamui anak ne koro poho ne Yesu nupekte nisa ruwe ne.

II Korintos 10:18

Inambe gusu ne yakun, yaihekota yaiashte gurʼanak ne auwande wa iramye kunip shomo ne, koroka, Utarapa ashtep anak ne airamye an ua.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

II Petros 1:17

Inambe gusu ne yakun, Shinuma orota, — Tambe anak ku omap, shi no ku enupetne Poho ne ruwe ne, sekorʼan nepkoro hawehe son no tomte no an nupeki wano ek ita, Shinuma anak ne Michi ne Kamui orowa no aeoripak-i newa nupeki akore nisa ruwe ne gusu ne na: