Yoannes 8:51 - Ashiri Aeuitaknup Iyohaichish Yona 1897

⁵¹ Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Yoannes 8:51 ပူးပေါင်းရင်းမြစ်များ

Iyohaichish 89:48

Shiknu wa shomo rai kuni guru nen ne ruwe he an? Shio teke wano kon ramat ohaitare guru anak ne inan guru ne ya? [Sera.]

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Roukos 2:26

awa, Ashkanne Ramat shinuma kashiketa an ruwe ne. Nei guru Utarapa koro Kiristo nukara pakno rai shomoki sekorʼambe anak ne Ashkanne

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:20

Ausshiune guru anak ne kon nishpa kasu no shomo ne ruwe ne. Utara anak ne En epokba yak anak ne, echi utara ne yakka aepokba kusu ne na; nei utara anak ne Ku ki itak shikkashima yak anak ne, echi ki itak ne yakka shikkashima kusu ne na.

Yoannes 17:6

Moshiri orowa no En otta Aokai koropare utara otta E kon reihei Ku eramande nisa ruwe ne: nei utara E korope ne, awa, Aokai anak ne En kore nisa ruwe ne: orowa nei utara E koro itak shikkashima nisa ruwe ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:50

Tan aep anak ne ainu ibe wa shomo rai kuni kando orowa no ran aep ne ruwe ne.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Yoannes 8:55

orowa, echi utara anak ne Shinuma eamkiri shomoki: koroka, Kuani anak Shinuma eamkiri ruwe ne; orowa, Shinuma Ku eamkiri shomoki sekoro Ku ye yak anak ne, echi utara korachi shunge guru Ku ne kusu ne ap: koroka, Kuani anak ne Shinuma eamkiri wa koro itak Ku shikkashima ruwe ne na.

Hebraios 11:5

Eishokor-i an gusu Enok anak ne rai ambe shomo nukara kuni ne eishokor-i gusu auk nisa; awa, shinuma shomo anukara, Kamui shinuma uk nisa ruwe ne gusu ne na: inambe gusu ne yakun, shinuma auk etokota, Kamui aenupetne ruwe ne sekorʼan paweteshu ambe an ruwe ne gusu ne na:

Hebraios 2:9

Koroka, Kamui irenga ankushkeraipo pishno pishno okai ainu shirihine hauturumbe kasu no pon no pokashnu no akara hine rai ambe sapke wa, rai-i oma aeyairamshitnere ambe gusu araguru newa aeoripakbe ani sapa aunure Yesu chi nukara ash ruwe ne.