Yoannes 8:37 - Ashiri Aeuitaknup Iyohaichish Yona 1897

³⁷ Echi utara anak ne Abraham sanikiri ne sekoro Ku eraman; yakka, Ku itak anak ne echi onnaigeta an kuni ushike sak gusu En raige kuni echi hunara koran ruwe ne.

Yoannes 8:37 ပူးပေါင်းရင်းမြစ်များ

Mattaios 13:15

Keutum ani shomo eramʼan kuni, Aige, Ku iwangere gusu shomo hosari kuni ne Tan utara koro sambe nishte ne, Koro kisara ashpa ne, Shikihi shikkamuktek ne; sekoro uweingara guru Isaya koro uweingarape tan utara gusu auweomare ruwe ne na.

Mattaios 3:9

orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na.

Yoannes 10:31

Orowa, shui, Shinuma kopiyekara gusu, Yudea un utara shuma uina nisa ruwe ne.

Yoannes 11:53

Tambe gusu, nei toho wano Shinuma raige kuni nei utara esanniyo shiriki okai ruwe ne.

Yoannes 5:44

Utashpa uwe-iramye wa Kamui orowa no an iramyep hunara shomoki echi utara anak ne nekon a echi eishokoro eashkai ya?

Yoannes 7:1

Tap okaibe okaketa Yesu anak ne Gariraya kotan ta apkash: Yudea un utara Shinuma raige kuni ramu gusu Yudea kotan ta apkash shomoki nisa ruwe ne gusu ne na.

Yoannes 7:19

Mose anak ne tuitak echi kore shomoki ya, orowa, nei tuitak nei no ki guru echi tumugeta isama? Nep gusu En raige kuni echi hunara ya?

Yoannes 7:25

Tambe gusu Yerusarem kotan un utara sereke ene itak-hi :— Tan guru anak ne utara raige kuni gusu hunara guru shomo ne ya?

Yoannes 8:33

Orota nei utara ene ese-hi :— Chi utara anak ne Abraham sanikiri chi ne, tane pakno nen ne yakka otta shomo chi ausshiunere ash ruwe ne: hemanda Echi utara ahonnere kusu ne, ani E ye ya?

Yoannes 8:43

Nep gusu Ku yepi shomo echi onnere ya? Ku ye itak echi nu eaikap

Yoannes 8:56

Echi koro michi Abraham anak ne Ku toho nukara kuni enupetne ruwe ne; orowa, shinuma nei toho nukara wa yaikopuntek nisa ruwe ne.

Yoannes 8:59

Okai utara anak ne tambe gusu Shinuma-ko-piyekara gusu shuma uina nisa ruwe ne: koroka, Yesu anuina wa an wa Kamui kora kenru orowa no soine nisa ruwe ne na.

Yoannes 8:6

Tan itak ye katu anak ne Shinuma koramnukara wa otta eiyonnuppa ikkewehe koro kuni gusu an katu ne ruwe ne. Koroka, Yesu hotku wa ashikipet ani shiri kata nuye nisa ruwe ne.

Apostoro ikip oma kambi 13:26

Iriwak utara, Abraham sanike utara, samata, echi tumugeta Kamui koishitoma utara, tan kashiobiuki gusu an itak anak ne un otta asange wa an ruwe ne.

Roma 9:7

orowa no san utara anak ne obitta Israeru un utara shomo ne: shui, Abraham koro santek ne gusu, obitta poho shomo ne: koroka, Isaak gusu e santek areikore kusu ne na.

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

I Yoannes 2:14

echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.