Yoannes 8:29 - Ashiri Aeuitaknup Iyohaichish Yona 1897

²⁹ Orowa, En omandep anak ne En tura no an; Shinuma En yaiande shomoki; hembara ne yakka Shinuma nupetnerep Ku ki gusu ne na, ari itak.

Yoannes 8:29 ပူးပေါင်းရင်းမြစ်များ

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Mattaios 3:15

Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne.

Mattaios 3:17

orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.

Yoannes 14:31

koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Yoannes 16:32

Tane echi eishokoro ya? Ingarʼan, echi utara anak pishno yaikota korobe otta acharichari wa moshima no En ande pakihi ek; ruwe ne wa, tane nei pakihi ek shiri an ruwe ne: yakka, Michi anak ne En tura no an gusu shinen nepo Ku an shomo ne ruwe ne na.

Yoannes 17:4

Ku ki kuni Aokai En kore ikip Ku kara okere gusu moshiri kata E oripak ash nisa ruwe ne.

Yoannes 4:34

Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne.

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Yoannes 8:16

Koroka, Kuani koipishi yakka, Ku ki koipishi ambe anak son no ambe ne ruwe ne: Kuani anak yaitura shomo ne, kuroka, Kuani hemhem En omande. Michi hemhem okai ruwe ne gusu ne na.

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.

II Timoteos 4:22

Utarapa e kon ramat tura no an kuni akoramkoro. Irenga e tura no an kuni ku koramkon na.

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 7:26

Inambe gusu ne yakun, nei no an, ashkanne, wen-buri isam, turu-sak, chikokatpak utara wano shinnai no aande wa kando kasu no eetasa ri no akara Kamui otta yaishieiwangere iyotta pase guru un gusu aatte ruwe ne;

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

I Yoannes 3:22

orowa, Shinuma sange ikashpaotte chi shikkashima wa Shinuma nupetnere kuni buri chi ki ruwe ne gusu, tambe gusu, nep ne yakka koramkoro yakka Shinuma un koropare ruwe ne.