Yoannes 8:20 - Ashiri Aeuitaknup Iyohaichish Yona 1897

²⁰ Tan okaibe Shinuma Kamui kora kenru ta epakashnu wa an, nei yange ichen shuop an tumbu ta Shinuma an ita ye nisa ruwe ne: orowa, Shinuma koro pakihi naa shomo an gusu, nen ne yakka Shinuma kishima shomoki nisa ruwe ne na.

Yoannes 8:20 ပူးပေါင်းရင်းမြစ်များ

Mattaios 26:55

Nei ita utara topaha otta Yesu ene itak-hi :— Emush hemhem shirikik kuwa hemhem koro wa ikka guru kishima kuni korachi En orota echi araki ruwe he an? Kuani kesto epakashnu gusu Kamui kora kenru ta Ku a,

Mattaios 27:6

Orowa, Kamui kora kenru esapane utara nei shirokani uina hine ene itak-hi :— Tan kani anak ne kem ataye ne gusu, Kamui karauto oro omare yak anak ne ikashpaotte oterekep ne, sekoro itak.

Markos 12:41

Orowa, Shinuma anak ne Kamui yange ichen karauto an ushiketa a wa inne utara nei karauto oshiketa ichen omare katu nukara: orowa, inne oteknu utara anak ne poron no omare nisa ruwe ne.

Markos 12:43

Orowa, Shinuma anak ne koro koikara utara hotuyekara wa orota ene itak-hi :— Son no echi otta Ku ye, nei karauto otta ichen omare guru kasu no tan otek-sak shiyompiyara shiwentep naa poron no omare nisa ruwe ne:

Roukos 20:19

Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.

Roukos 21:1

Orowa, Shinuma hepuni ingara wa oteknu utara kamui yange ichen shuop otta korarape omare shiri nukan nisa ruwe ne.

Yoannes 10:39

Shui nei utara Shinuma kishima kuni ramu, koroka, nei tekehe wano oman nisa ruwe ne na.

Yoannes 2:4

Orota Yesu ene itak-hi :— Shiwentep, eani newa Kuani uturuta nep an hawe? Ku pakihi anak naa shomo an ruwe ne, sekoro itak.

Yoannes 7:14

Koroka, tane marapto uturu an koro anak ne Yesu Kamui kora kenru orun hemesu, orowa, epakashnu nisa ruwe ne.

Yoannes 7:30

Tambe gusu, nei utara anak ne Shinuma kishima kuni hunara: awa, Shinuma koro pakihi naa shomo an gusu kashiketa teke ande guru isam ruwe ne.

Yoannes 7:44

Orowa, Shinuma kishima rusui utara okai, koroka, kashiketa koro teke ande guru isam ruwe ne.

Yoannes 7:8

Nei marapto orun echi paye wa hemespa: Kuani anak ne marapto otta naa shomo Ku hemesu; Ku pakihi anak ne naa shomo auweomare ruwe ne gusu ne na, ari itak.

Yoannes 8:2

Orowa, aro-kunnei-wano Shinuma shui Kamui kora kenru orun ahun, awa, obitta no okai utara Shinuma otta araki nisa ruwe ne; aige, Shinuma a wa utara epakashnu nisa ruwe ne.

Yoannes 8:59

Okai utara anak ne tambe gusu Shinuma-ko-piyekara gusu shuma uina nisa ruwe ne: koroka, Yesu anuina wa an wa Kamui kora kenru orowa no soine nisa ruwe ne na.