Yoannes 7:6 - Ashiri Aeuitaknup Iyohaichish Yona 1897

⁶ Tambe gusu, nei utara otta Yesu ene itak-hi :— Ku pakihi anak ne naa shomo ek ruwe ne; koroka,

Yoannes 7:6 ပူးပေါင်းရင်းမြစ်များ

Iyohaichish 102:13

Aokai anak ne hopuni wa Zion erampokiwen wa kore kusu ne; Shinuma orun irenga kore pakihi tane an, ruwe un, nei epa kuni pakihi ek wa an ruwe ne gusu ne na.

Mattaios 26:18

Shinuma ene itak-hi :— Machiya orun paye wa nei an guru otta ene ye yan :— Epakashnu guru ene itak-hi :— Ku pakihi ehange no an; Kuani Ku koikara utara tura e kotʼchisei ta Kama-kush marapto Ku iki kusu ne, ari an itak ani ye yan.

Yoannes 13:1

Nei Kamakush marapto etokota moshiri hoppa wa Michi orun oman kuni pakihi ek an shiri Yesu eraman, aige, moshiri otta okai yaikota korobe omap wa okese pakno omap nisa ruwe ne.

Yoannes 17:1

Yesu tap okaibe ye; orowa, kando orun shikihi hepuni wa ene itak-hi :— Michi, pakihi ek an; Poho anak ne E ko-oripak kuni ne E koro Poho ko-oripak wa En kore:

Yoannes 2:4

Orota Yesu ene itak-hi :— Shiwentep, eani newa Kuani uturuta nep an hawe? Ku pakihi anak naa shomo an ruwe ne, sekoro itak.

Yoannes 7:30

Tambe gusu, nei utara anak ne Shinuma kishima kuni hunara: awa, Shinuma koro pakihi naa shomo an gusu kashiketa teke ande guru isam ruwe ne.

Yoannes 7:8

Nei marapto orun echi paye wa hemespa: Kuani anak ne marapto otta naa shomo Ku hemesu; Ku pakihi anak ne naa shomo auweomare ruwe ne gusu ne na, ari itak.

Yoannes 8:20

Tan okaibe Shinuma Kamui kora kenru ta epakashnu wa an, nei yange ichen shuop an tumbu ta Shinuma an ita ye nisa ruwe ne: orowa, Shinuma koro pakihi naa shomo an gusu, nen ne yakka Shinuma kishima shomoki nisa ruwe ne na.

Apostoro ikip oma kambi 1:7

Orota Shinuma ene itak-hi :— Michi anak ne yaikota koro mondum rengaine esanniyo pakihi hemhem paha hemhem aeramande kuni-hi anak ne shomo echi akore na.