Yoannes 7:45 - Ashiri Aeuitaknup Iyohaichish Yona 1897

⁴⁵ Tambe gusu, nei auitek utara anak ne Kamui kora kenru esapane utara newa Parisee un utara orota araki: awa, nei utara anak ne auitek utara otta, Hemanda gusu Shinuma ani wa araki shomoki ya? ari itak.

Yoannes 7:45 ပူးပေါင်းရင်းမြစ်များ

Mattaios 26:58

Koroka, Petros tuima no Shinuma oshi ek, aine, nei okese ambe nukara kuni gusu, Kamui kora kenru esapane guru koro ipishi tumbu orota ahun wa tono utara tura a nisa ruwe ne.

Yoannes 11:46

Koroka, tumugeta okai utara anak ne Parisee un utara orota paye wa, Yesu ki ikip nure nisa ruwe ne.

Yoannes 11:47

Tambe gusu, Kamui kora kenru poro esapane utara newa Parisee un utara ukoramkoro wa ene itak-hi :— Nekon a chi ki ya? tan guru poron no okai shirosh ki ruwe ne gusu ne na.

Yoannes 7:32

Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

Yoannes 9:22

Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na.