Yoannes 7:31 - Ashiri Aeuitaknup Iyohaichish Yona 1897

³¹ Koroka, topaha utara un inne utara anak ne Shinuma eishokoro; aine, ene itak-hi :— Kiristo ek chiki tan guru ki shirosh kasu no naa innep ki kusu ne ruwe he an? ari itak.

Yoannes 7:31 ပူးပေါင်းရင်းမြစ်များ

Mattaios 12:23

kuni ne iwangere nisa ruwe ne. Orowa inne utara tambe nukara, aige, eoyamokte wa ene itak-hi :— Tan guru anak ne Dabid koro poho ne ruwe he an? sekoro itak.

Roukos 8:13

Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Yoannes 11:45

Tambe gusu, Maria tura no araki Yudea un inne utara shinuma iki ambe nukara chiki, eishokon nisa ruwe ne.

Yoannes 12:11

shinuma gusu inne utara paye wa Yesu eishokon nisa ruwe ne gusu ne na.

Yoannes 12:42

Yakka, esapane utara tumugeta okai inne utara anak Shinuma eishokon nisa ruwe ne; koroka, uwekarapa chisei orowa no iteki aemaka kuni ne Parisee un utara okai gusu eyaipushi shomoki ruwe ne;

Yoannes 2:11

Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 4:29

Nep ne yakka ku iki ambe obitta en nure guru nukara gusu araki wa ingara yan; tambe anak ne Kiristo ne eashkaibe ne ruwe he an? ari itak.

Yoannes 4:39

Orowa, nei machiya orowa no inne Samaria un utara anak ne :— Nep ne yakka ku iki ambe obitta Shinuma en nure, sekoro paweteshu ki shiwentep ye itak gusu eishokon nisa ruwe ne na.

Yoannes 6:2

Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.

Yoannes 7:26

Yakka, Shinuma nuina shomoki no itak ki korʼan, awa, otta nep ne yakka ki shomoki ruwe ne. Tambe anak ne son no newa Kiristo ne sekoro sapane utara eraman eashkaibe ne ruwe?

Yoannes 9:16

Tambe gusu, Parisee un sereke utara anak ne ene itak-hi :— Tan guru anak ne Shini toho shikkashima shomoki gusu Kamui orowa no ekbe shomo ne ruwe ne, ari itak. Koroka, nekon a iki wa tap korachi an shirosh katpak koro guru ki eashkai ya moshima okai utara ye nisa ruwe ne. Orowa no, nei utara tumugeta eukopi an na.

Apostoro ikip oma kambi 8:13

Orowa, Simon yaikota ne yakka eishokoro: aige, baptisma akore chiki, ramma-kane Piripos tura no an; orowa, shirosh newa poro kirorope aki-hi nukara hine eoyamokte nisa ruwe ne na.

Yakob 2:26

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.