Yoannes 7:28 - Ashiri Aeuitaknup Iyohaichish Yona 1897

²⁸ Tambe gusu, Yesu anak ne Kamui kora kenru ta hawe sange wa epakashnu hine ene itak-hi :— Echi utara anak ne En eamkiri hemhem ki, nei wano Ku ekbe ne ya echi eramu hemhem ki; orowa, Kuani yaikota yai Ku omande shomoki, koroka, En omandep anak ne son no ambe ne, echi utara anak ne Shinuma eamkiri shomoki ruwe ne na.

Yoannes 7:28 ပူးပေါင်းရင်းမြစ်များ

Iyohaichish 9:10

Orowa, E reihei eraman utara anak ne Aokai gusu eyaikopashte kusu ne; Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Mattaios 2:23

aige, Nazaret ani aporose machiya otta oshiroma nisa ruwe ne: tap ambe anak ne, Nazaret un guru ani areikore kusu ne sekoro uweingara utara ye itak auweomare kuni gusu an ruwe ne na.

Mattaios 26:55

Nei ita utara topaha otta Yesu ene itak-hi :— Emush hemhem shirikik kuwa hemhem koro wa ikka guru kishima kuni korachi En orota echi araki ruwe he an? Kuani kesto epakashnu gusu Kamui kora kenru ta Ku a,

Roukos 10:22

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Roukos 2:39

Orowa no, nei utara anak ne Utarapa tuitak gusu an okaibe obitta ki okere chiki, Gariraya nroshirʼun koro kotan Nazaret machiya otta hoshippa nisa ruwe ne na.

Roukos 2:4

Awa, Yosep anak ne Dabid sanikiri, Dabid chisei un guru ne wa gusu, shinuma ne yakka yaikota ne yakka akopa-kashnu an shinnai kateiyeunu Maria tura auwatori kuni gusu,

Roukos 2:51

Orowa, Shinuma eshikop tura no oman hine Nazaret kotan ta arapa, orowa, koro eshikop koitaknu nisa ruwe ne; koro habo anak ne tan orushpe obitta koro keutum ta shikkashima nisa ruwe ne.

Yoannes 1:46

Piripos orota Natanaeru ene itak-hi :— Nep pirikap Nazaret kotan orowa no hetuku eashkai ya? Ek wa ingara, ani Piripos ye ruwe ne.

Yoannes 10:36

Michi oripak wa moshiri kata omande guru epeka no, Kuani anak ne Kamui Poho Ku ne ani Ku ye gusu, Eani Kamui koatcha, ari echi ye ya?

Yoannes 12:49

Inambe gusu ne yakun, Kuani yaikota orowa no Ku ye shomoki; koroka, En omande Michi anak Ku ye kuni orushpe, Ku sange kuni itak, En ikashpaotte nisa ruwe ne.

Yoannes 14:10

Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Yoannes 14:31

koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

Yoannes 16:3

Nei utara Michi eamkiri shomoki, En eamkiri ka shomoki gusu tap okaibe ki kusu ne.

Yoannes 17:25

Aa oupeka an Michihi! Moshiri anak ne Aokai eamkiri shomoki, koroka, Kuani anak ne E eamkiri nisa ruwe ne; orowa, tan okai utara anak ne Aokai En omande sekorʼambe eraman nisa ruwe ne:

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 3:33

Nei paweteshu ambe nu guru anak ne Kamui anak sonep ne ani an ambe otta koro han omare nisa ruwe ne.

Yoannes 5:32

En gusu paweteshu ki moshimap an; En gusu Shinuma ki paweteshu-i anak ne son no an paweteshurambe ne ruwe ne sekoro Ku eraman.

Yoannes 5:43

Kuani anak ne Ku Michi reihei ani Ku ek, awa, echi utara En uk shomoki: moshima guru anak ne yaikota koro reihei ani ek chiki, echi utara anak shinuma uk kusu ne ruwe ne.

Yoannes 6:42

Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne.

Yoannes 7:14

Koroka, tane marapto uturu an koro anak ne Yesu Kamui kora kenru orun hemesu, orowa, epakashnu nisa ruwe ne.

Yoannes 8:14

Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.

Yoannes 8:16

Koroka, Kuani koipishi yakka, Ku ki koipishi ambe anak son no ambe ne ruwe ne: Kuani anak yaitura shomo ne, kuroka, Kuani hemhem En omande. Michi hemhem okai ruwe ne gusu ne na.

Yoannes 8:19

Tambe gusu, Shinuma otta nei utara ene itak-hi :— E koro Michi neita an ruwe? Yesu ene ese-hi :— Echi utara anak ne seenne En eamkiri hene ki, seenne Ku Michi eamkiri hene ki ruwe ne: echi En eamkiri chiki, Ku Michi ne yakka echi eamkiri kusu ne ap, ari itak.

Yoannes 8:26

Echi utara gusu Ku ye hemhem ki, koipishi hemhem ki kuni inne ambe okai: koroka, En omandep anak ne sonep ne; orowa, Shinuma otta Ku nu okaibe moshiri otta Ku nure ruwe ne, ari itak.

Yoannes 8:42

Orota Yesu ene itak-hi :— Kamui anak ne echi koro michi ne chiki, echi utara En omap kusu ne, Kuani anak ne Kamui orowa no ek wa Ku an ruwe ne gusu ne; yaikota rengaine Ku ek shomoki, Shinuma En omande nisa ruwe ne gusu ne na.

Yoannes 9:29

Kamui anak ne Mose otta ye orushpe chi eramʼan: koroka, tan guru anak nei wano an guru ne ya, chi erampeutek ruwe ne, ani itak.

Apostoro ikip oma kambi 17:23

Inambe gusu ne yakun, ku apkash rapoketa otta echi ko-ongami okaibe ku ingara chiki, — Aeramushkari Kamui gusu-ani an itak ani kashita anuye wa an Yange set ku nukan nisa ruwe ne gusu ne na. Erampeutek no echi koongami ambe kuani echi nure ash na.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Roma 3:4

Ara shomo: ruwe un, Kamui anak ne sonep ne a koroka, obitta no okai ainu pishno shungep ne sekoro aesanniyore yan; ene chieshinnuye wa an korachi ne :— Aokai anak ne koro itak gusu oupekap ne aesanniyo, Orowa, akoipishi ita Aokai annokara ki kuni gusu ne na.

II Korintos 1:18

Koroka, Kamui anak ne sonep ne gusu echi orun chi ye itak anak ne, “ruwe un,” newa “shomo,” ari an itak ambe shomo ne ruwe ne.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

I Yoannes 5:10

Kamui poho eishokoro gurʼanak ne, koro oshiketa nei paweteshu-hi koro: shomo Kamui eishokoro guru anak ne Shinuma shungere nisa ruwe ne; inambe gusu ne yakun, koro Poho gusu Kamui ki paweteshu-hi eishokoro shomoki nisa ruwe ne gusu ne na.