Yoannes 7:19 - Ashiri Aeuitaknup Iyohaichish Yona 1897

¹⁹ Mose anak ne tuitak echi kore shomoki ya, orowa, nei tuitak nei no ki guru echi tumugeta isama? Nep gusu En raige kuni echi hunara ya?

Yoannes 7:19 ပူးပေါင်းရင်းမြစ်များ

Mattaios 12:14

Koroka, Parisee un utara soyumba wa Shinuma raige kuni eukoramkon nisa ruwe ne,

Mattaios 21:38

Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.

Markos 11:18

Orowa, Kamui kora kenru esapane utara hemhem, kambi-nuye utara hemhem, nei orushpe nu, awa, Shinuma isamka kuni ika hunara ruwe ne: nei utara Shinuma ko-ishitoma gusu, samata, inne utara obitta nei epakashi eiyokunnure korʼan nisa ruwe ne gusu ne na.

Markos 3:4

Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?

Markos 3:6

Awa, Parisee un utara soyumba wa, nani nekon a iki wa Shinuma isamka eashkai ya, sekoro Herod un utara tura eukoramkon nisa ruwe ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 10:39

Shui nei utara Shinuma kishima kuni ramu, koroka, nei tekehe wano oman nisa ruwe ne na.

Yoannes 11:53

Tambe gusu, nei toho wano Shinuma raige kuni nei utara esanniyo shiriki okai ruwe ne.

Yoannes 5:16

Aige, tan ikkewe gusu, Shini toho ta tap okaibe kara gusu, Yudea un utara Yesu keshke shiri an nisa ruwe ne.

Yoannes 5:18

Tambe gusu, tan ikkewehe an gusu Yudea un utara naa Shinuma raige kuni hunara korʼan ruwe ne, inambe gusu ne yakun, Shinuma anak ne ouse Shini toho otereke patek shomo ne, koroka, yaikota koro Michi ani Kamui porose wa Kamui uweupak no yaikota yaikan nisa ruwe ne gusu ne na.

Yoannes 5:45

Kuani anak ne Michi kotchaketa echi eiyonnuppa kusu ne sekoro iteki yainu yan; echi eiyonnuppa guru an; otta echi eyaikopashte Mose ne ruwe ne.

Yoannes 7:1

Tap okaibe okaketa Yesu anak ne Gariraya kotan ta apkash: Yudea un utara Shinuma raige kuni ramu gusu Yudea kotan ta apkash shomoki nisa ruwe ne gusu ne na.

Yoannes 7:25

Tambe gusu Yerusarem kotan un utara sereke ene itak-hi :— Tan guru anak ne utara raige kuni gusu hunara guru shomo ne ya?

Apostoro ikip oma kambi 7:38

Tan guru anak ne Sina nupuri kata otta ye hauturumbe tura hene, chikoro ekashi utara tura hene, nup otta an uwe-kari ta an gunʼne; un otta koropare kuni ne shinuma anak ne ishu shongo akore nisa:

Garatea 3:19

Yakun, tuitak anak ne nekon a ambe ne ya? Gusu nei eitakamkire aki sanike ek pakno, ouhaita ambe an gusu kashiiyop ne ruwe ne; iyuturu oma guru ani Kamui hauturun guru orowa no aande nisa ruwe ne na.

Garatea 6:13

Okarituye buri akire utara poka yaikota tuitak shikkashima shomoki ruwe ne; koroka, echi otta koro kam gusu yaiomonnure kuni ne echi otta okarituye buri kire rusui ruwe ne.