Yoannes 7:17 - Ashiri Aeuitaknup Iyohaichish Yona 1897

¹⁷ Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Yoannes 7:17 ပူးပေါင်းရင်းမြစ်များ

Iyohaichish 119:10

Kuani ramu-osshi wano E hunara ash nisa: Neum poka, E koro ikashpaotte iteki ku ehaita kuni ne kara wa en kore.

Iyohaichish 25:12

Ehoba koishitoma guru nen ne ruwe? Nei guru numge kuni ruhu Shinuma epakashnu kusu ne na.

Iyohaichish 25:14

Ehoba koro nuina no an ukoramkorobe anak ne Shinuma ko-ishitoma utara tura an; Shinuma nei utara otta koro uitaknup nukare kusu ne.

Mattaios 6:22

Netobake gusu an ratchako anak ne shikihi ne ruwe ne: tambe gusu, echi shikihi pekashnu yakun netobake ebitta apekereka kusu ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Yoannes 3:21

Koroka, sonep ki guru anak ne koro ki ikip anukara kuni ne pekere otta ek, nei ambe anak ne Kamui otta aki nisa ruwe ne gusu ne na.

Yoannes 8:43

Nep gusu Ku yepi shomo echi onnere ya? Ku ye itak echi nu eaikap

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Yoannes 8:47

Kamui orowa no an guru anak ne Kamui itak nu: tan ikkewehe an gusu nei ambe echi nu shomoki, Kamui orowa no an okaibe shomo echi ne ruwe ne gusu ne na.

Apostoro ikip oma kambi 17:11

Aige, nei kotan un utara anak ne irenga an keutura sange wa nei itak uk, aine, nei orushpe ene ani ne ya ingara kuni ne to pishno Kamui kambi-sosh uwande nisa ruwe ne gusu, Tessaronika un utara kasu no nupuru utara ne ruwe ne.