Yoannes 7:15 - Ashiri Aeuitaknup Iyohaichish Yona 1897

¹⁵ Tambe gusu, Yudea un utara enushkari hine ene itak-hi :— Nekon a iki wa tan guru anak ne eyaihannokkara shomoki no nuye ikiri eraman ya? ari itak.

Yoannes 7:15 ပူးပေါင်းရင်းမြစ်များ

Mattaios 13:54

Orowa, koro kotan ta ek wa uwekarapa chisei orun ahun hine utara epakashnu nisa ruwe ne; aige, nu utara iyokunnure wa ene itak-hi :— Tan ainu anak ne nei no okai wayashnu ambe hene kiroro an mondum hene hunak wa kon ruwe he an?

Mattaios 22:22

Nei utara tan itak nu chiki iyokunnure wa Shinuma moshima no okai hine paye nisa ruwe ne.

Mattaios 22:33

Inne utara tan itak nu chiki, Shinuma koro epakashi koenushkari nisa ruwe ne na.

Roukos 2:47

Orowa, Shinuma nu utara anak ne obitta nei eramu ambe katu hemhem ese itak ki katu hemhem eoyamokte nisa ruwe ne.

Roukos 4:22

Orowa obitta no okai utara Shinuma gusu paweteshu ki, aine, Shinuma koro paroho wano oashin irenga no an itak enushkari: samata, Tan guru anak ne Yosep koro poho shomo ne ya? ari itak.

Yoannes 1:19

Orowa :— Eani nen ne ya, sekoro Yoannes otta nu gusu Yudea un utara anak ne Yerusarem kotan wano Rebi utara newa Kamui kora kenru esapane utara payere ita anak, Yoannes koro paweteshu-i tap korachi ne.

Yoannes 7:11

Tambe gusu, Yudea un utara anak ne marapto an rapoketa Shinuma hunara wa :— Nei guru nei ita an ruwe he an? ari itak.

Yoannes 7:13

Yakka, Yudea un utara ko-ishitoma gusu anu no Yesu orushpe ye guru isam ruwe ne.

Yoannes 7:46

Auitek utara, Tan guru ye korachi ramma pakno nen ne yakka ye shomoki ruwe ne, ani ese itak ki.

Apostoro ikip oma kambi 26:24

Orowa, tap korachi shinuma yaikikkara itak sange rapoketa, Festos anak ne rui hawe ani ene itak-hi :— Pauros, eani anak ne chiitasare wa an na; poron no eramush gusu achiitasarere ruwe ne.

Apostoro ikip oma kambi 4:13

Orowa nei utara anak ne Petros newa Yoannes koro rametok korobe nukara, samata, kambi-erampeutek wa eramush utara shomo ne ari an ambe eraman chiki, enushkari nisa ruwe ne; aige, nei utara Yesu tura no okai utara ne sekoro eraman.