Yoannes 7:1 - Ashiri Aeuitaknup Iyohaichish Yona 1897

¹ Tap okaibe okaketa Yesu anak ne Gariraya kotan ta apkash: Yudea un utara Shinuma raige kuni ramu gusu Yudea kotan ta apkash shomoki nisa ruwe ne gusu ne na.

Yoannes 7:1 ပူးပေါင်းရင်းမြစ်များ

Mattaios 10:23

Koroka, tan machiya ta utara echi keshke chiki, nei samake an machiya orun kira yan: son no echi otta Ku ye, — Echi utara Israeru un machiya ebitta kush shomoki, aine, Ainu Poho ek kusu ne na.

Mattaios 21:38

Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.

Markos 11:18

Orowa, Kamui kora kenru esapane utara hemhem, kambi-nuye utara hemhem, nei orushpe nu, awa, Shinuma isamka kuni ika hunara ruwe ne: nei utara Shinuma ko-ishitoma gusu, samata, inne utara obitta nei epakashi eiyokunnure korʼan nisa ruwe ne gusu ne na.

Yoannes 1:19

Orowa :— Eani nen ne ya, sekoro Yoannes otta nu gusu Yudea un utara anak ne Yerusarem kotan wano Rebi utara newa Kamui kora kenru esapane utara payere ita anak, Yoannes koro paweteshu-i tap korachi ne.

Yoannes 4:3

Shinuma Yudea moshiri ekohopi wa shui Gariraya moshirʼotta oman nisa ruwe ne.

Yoannes 4:54

Tambe anak shui Yudea moshiri wano Gariraya moshiri ta ek okake Yesu tu ikinne no an kara shirosh ne ruwe ne na.

Yoannes 6:1

Tap okaketa Yesu anak ne Tiberias atui, Gariraya un atui kushketa oman.

Yoannes 7:11

Tambe gusu, Yudea un utara anak ne marapto an rapoketa Shinuma hunara wa :— Nei guru nei ita an ruwe he an? ari itak.

Yoannes 7:13

Yakka, Yudea un utara ko-ishitoma gusu anu no Yesu orushpe ye guru isam ruwe ne.

Yoannes 7:19

Mose anak ne tuitak echi kore shomoki ya, orowa, nei tuitak nei no ki guru echi tumugeta isama? Nep gusu En raige kuni echi hunara ya?

Yoannes 7:25

Tambe gusu Yerusarem kotan un utara sereke ene itak-hi :— Tan guru anak ne utara raige kuni gusu hunara guru shomo ne ya?

Yoannes 7:35

ushike un echi araki eaikap ruwe ne, ari itak. Tambe gusu, Yudea un utara anak ne utashpa ene itak-hi :— Shomo chi nukara kuni inan ushike orun tan guru oman ya? Herenes un utara tumugeta chichari wa okai utara otta oman wa nei Herenes un utara epakashnu kusu ne ruwe he an?

Yoannes 8:37

Echi utara anak ne Abraham sanikiri ne sekoro Ku eraman; yakka, Ku itak anak ne echi onnaigeta an kuni ushike sak gusu En raige kuni echi hunara koran ruwe ne.

Yoannes 8:40

Koroka, tane anak ne Kamui otta Ku nu sonep echi otta nure guru ne En raige kuni echi hunara ruwe ne: Abraham anak ne tap korachi iki shomoki nisa ruwe ne.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.