Yoannes 6:45 - Ashiri Aeuitaknup Iyohaichish Yona 1897

⁴⁵ Obitta no okai nei utara anak ne Kamui orowa no aepakashnu an kusu ne, sekorʼan orushpe uweingara kambi kata anuye wa an ruwe ne. Nen ne yakka Michi otta nu wa eyaihannokkara guru anak ne pishno En orun ek ruwe ne.

Yoannes 6:45 ပူးပေါင်းရင်းမြစ်များ

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Markos 1:2

Uweingara guru Isaya kambi kata chieshinnuye wa an korachi. Ingarʼan, e nanuhu kotchaketa, E kon ruhu etoko-oiki gusu Ku shongo kore guru ku omande;

Roukos 1:70

(Moshiri heashi wano tane pakno hekatu Ashkanne uweingara utara paro ani ye korachi),

Roukos 18:31

Orowa, Shinuma nei tun ikashima wa niu uk wa orota ene itak-hi :— Ingarʼan, chi utara anak ne Yerusarem kotan orun hemeshpa ruwe ne, orowa, Uweingara utara ani anuye wa an obitta no okaibe

Yoannes 10:27

Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Yoannes 6:37

Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne.

Yoannes 6:65

Orowa, Shinuma ene itakhi :— Tan ikkewehe an gusu, Michi orowa no akore shomoki yakun nen ne yakka En orun ek eaikap ruwe ne, ari an itak ani echi otta Ku ye nisa ruwe ne.

Apostoro ikip oma kambi 13:40

Tambe gusu, uweingara oina kambi kata anuye wa an ap ikineipeka echi otta ika ek kuni ne yaitubare yan :—

Apostoro ikip oma kambi 7:42

Koroka, Kamui anak ne hosari, aige, kando topa otta yaishieiwangere kuni gusu nei utara yaikorere nisa; uweingara kambi kata chieshinnuye korachi ne :— Aa Israeru chisei un utara, tu hotne pa uturu nup otta okai rapoketa Echi utara anak ne iraye chikoikip newa yange kunip En orun yange nisa ruwe he an?

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Piripoi 3:15

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

Hebraios 10:16

Utarapa ene itak-hi :— Nei toho okaketa nei utara tura no Ku ki kusu ne aeuitaknup anak ne ene ani ne; Nei utara koro sambe ta Ku tuitak Ku omare, Koro keutum kata ne yakka nei okaibe Ku nuye kusu ne, ani itak,

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.