Yoannes 6:29 - Ashiri Aeuitaknup Iyohaichish Yona 1897

²⁹ Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne.

Yoannes 6:29 ပူးပေါင်းရင်းမြစ်များ

Iyohaichish 2:12

Poho irushka wa ru otta iteki echi isamka kuni ne Shinuma chopchopsekara yan, Inambe gusu ne yakun, tunashino Shinuma irushka kusu ne. Nen ne yakka Shinuma gusu eyaikopashte gurʼ anak ne anunuke ne ruwe ne na.

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Markos 16:16

Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Yoannes 3:36

Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 5:39

Echi utara, anak ne Kamui kambi-sosh uwande ruwe ne, nei ambe gusu ramma okere shomoki inotu echi kon ruwe ne ani echi esanniyo ruwe ne gusu ne na nei ambe anak ne En gusu paweteshu ki ambe ne;

Yoannes 6:28

Tambe gusu, Shinuma otta nei utara ene itak-hi :— Kamui ikip chi kara ash kuni gusu nekon a iki yak pirika ya?

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Yoannes 6:57

Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na.

Apostoro ikip oma kambi 16:31

Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Yakob 2:22

Shinuma koro ki ikip tura eishokor-i ki, samata, ki ikip gusu eishokor-i anak aeramushinnere nisa ruwe ne sekoro eani nukara; awa,

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 5:1

Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.

Ekambakbe 2:26

Orowa, annokara ki wa okake an pakno Ku ikip shikkashima guru otta, shinuma otta moshiri uirup ok kashita mondum Ku kore kusu ne: aige,