Yoannes 5:36 - Ashiri Aeuitaknup Iyohaichish Yona 1897

³⁶ Koroka, Ku goro paweteshu-i anak ne Yoannes kasu no pase ne: inambe gusu ne yakun, Kuani Ku kara okere kuni gusu En otta Ku Michi koropare ikip anak ne, tap Ku ki ikip anak, Michi En omande ruwe ne sekoro En gusu paweteshu ki ruwe ne gusu ne na.

Yoannes 5:36 ပူးပေါင်းရင်းမြစ်များ

Mattaios 11:4

Orowa Yesu ese wa nei utara otta ene ye-hi :— Echi paye wa, echi nup hemhem echi nukarape hemhem Yoannes otta nure yan:

Roukos 2:49

Nei utara otta Shinuma ene itak-hi: Nep gusu echi En hunara ruwe he an? Ku Michihi kora kenru ta Ku an kuni gusu ne ap sekorʼambe echi erampeutek a? ani itak.

Yoannes 10:25

Ku echi nure ash nisa, awa, echi shomo eishokoro: Ku Michi reihei ankushkeraipo Ku ki ikip anak ne En gusu paweteshu ki ruwe ne.

Yoannes 11:37

Koroka, sereke okai utara ene itak-hi :— Shiknak guru koro shiki maka tan guru anak ne, nei guru ne yakka iteki rai kuni ne kara eaikap ya?

Yoannes 15:24

Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.

Yoannes 17:4

Ku ki kuni Aokai En kore ikip Ku kara okere gusu moshiri kata E oripak ash nisa ruwe ne.

Yoannes 2:23

Kamakush marapto gusu Shinuma Yerusarem kotan ta an, awa, marapto uturuta, Shinuma ki shirosh nukara gusu, inne utara Shinuma kon reihei gusu eishokon nisa ruwe ne na.

Yoannes 3:17

Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 4:34

Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne.

Yoannes 5:32

En gusu paweteshu ki moshimap an; En gusu Shinuma ki paweteshu-i anak ne son no an paweteshurambe ne ruwe ne sekoro Ku eraman.

Apostoro ikip oma kambi 2:22

Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;

I Yoannes 5:9

Ainu ki paweteshu-hi chi uina yakun, Kamui ki paweteshu ambe anak naa pase ruwe ne. Kamui ki paweteshu-hi anak ne tapne ne: koro Poho gusu Shinuma paweteshu ki nisa ruwe ne a ambe ne.